दार्जीलिङ,1 जनवरी(निसं): तक्दाह-ग्लेनबर्ण समष्टि अन्तर्गत रहेको सिंग्रीताम खण्ड्को मालीधुरा निवासी शुअराज छेत्रीलाई उनको घर निर्माण समाप्त पश्चात् गृह हस्तान्तरण गरिनुका साथै सपरिवारलाई गृह प्रवेश गराइएको जानकारी समष्टि महासचिव सुशोभित गुरुङ अनि सिंग्रीताम ग्राम पञ्चायत सदष्य धिरज राईले दिएका छन् । भारतीय गोर्खा प्रजातान्त्रिक मोर्चाका संस्थापक अध्यक्ष अनित थापाको निर्देशमा भागोप्रमो तक्दाह-ग्लेनबर्ण समष्टिको सहयोग अनि खण्ड समितिको श्रमदान मार्फत निर्माण गरिएको जानकारी गराउदै विगतमा पनि उपेन्द्र गुरुङ, टेकबहादुर बि० के०, अनि कौशल्या गुरुङ आदिको पनि घर निर्माण पछि गृह हस्तान्तरण पछि हिजो उक्त शुकराज राईको चौथो गृह प्रवेश रहेको बताएका छन् ।
उक्त गृह प्रवेश वा गृह हस्तान्तरणको अवसरमा भारतीय गोर्खा प्रजातान्त्रिक मोर्चाका केन्द्रीय महासचिव एवं जीटीए मुख्य सल्लाहकार अमर लामा, एमओडी सभासद प्रणाम रसाईली, समष्टि पर्यवेक्षक विज्ञान मिश्र, समष्टि महासचिव सुशोभित गुरुङ, उपाध्यक्ष एस पाल्जर, प्रभाकर गुरुङको साथमा सल्लाहकार पदम गुरुङ, मानेडाँडा ग्राम पञ्चायत प्रधान, वार्ड सदष्य/सदष्याहरु, मानेडाँडा खण्ड समिति अध्यक्ष विजय थुलुङ, जीटीए अल्पसंख्यक मुख्य सल्लाहकार रमेश गुरुङ, लगायत अन्यान्य व्यक्ति विशेषको उपस्थिति रहेको थियो। घर निर्माण गरिएको बारे शुकराज छेत्रीले जीटीए प्रमुख कार्यपाल अनित थापा प्रति आभार व्यक्त गरेका छन् भनी महासचिव गुरुङले जनाएका छन् ।
