सडक निर्माणको प्रतिक्षामा साकार हुने संकेत 

 मजुवा, 28 दिसम्बर(निसं): सडकको सर्वेक्षण भएपछि गाउँले पक्का सडक निर्माणको प्रतिक्षामा रहेकोछ। विभागीय सहअभियान्त बवित छेत्री, ठेकेदार ढेन्डुप एण्डसन्स कम्पनीका ढेण्डुप भोटिया, इञ्जिनियर विबेश दाहालको विषेश उपस्थितिमा डब्ल्यूबीएसआरडीए अन्तर्गत पीएमजीएसवाई विभागबाट गरिएको यस सर्वेक्षणमा मजुवा ग्रामको आरूबोटेदेखि अप्पर आरूबोटे, कालोपानी भएर भीरगाउँ कालीखोला थुम्केसम्मको यो सर्वे लगभग साँढे 7 किलोमिटर रहेको छ छ भनी विभागको जानकारी छ। जानकारी अनुसार, आरूबोटे क्लस्टर भवनदेखि सिङ्गबुङ्ग डेरा प्राथमिक पाठशाला हुदै भीरगाउँ निम्नोच्च विद्यालय नजिक भएर कालीखोला थुम्के प्राथमिक पाठशालादेखि केही अघि जिरोसम्मको उक्त सडक पीएमजीएसवाई-द्वारा निर्माण हुने निश्चित भएको स्थानीय दिनेस राईको टोलीले जनाएका छन्।

 दार्जीलिङ-पुलबजार खण्ड विकास अधीनस्थ तथा सुके-मानेभञ्ज्याङ समष्टि अन्तर्गत मजुवा ग्रामको माथिल्लो क्षेत्र अप्पर आरूबोटे, बतासे,भीरगाउँ, थुम्के वासीहरू विगत लामो समयदेखि सडकको प्रतिक्षामा रहेको यी अभेग क्षेत्रवासी भुक्तभोगी जनताहरूले विभिन्न समस्याहरूको सामना गर्दै आइरहेको यस क्षेत्रमा बाटोघाटोको उचित व्यवस्था नहुनु नै विकासदेखि पछाडिएको स्थानीय वासीहरूको तितो अनुभव छ। तथापि यो बाटो सर्वेक्षण भएपछि पक्का सडक निर्माण हुने कुरामा क्षेत्रका जनताहरूले भरोसा गरेको बताएको छ। मजुवा ग्राम क्षेत्रका यी सबै ग्रामीण इलाकाहरूमा उत्पादन हुने खेतिपाती, साग-सब्जी,आपत-विपत्त आदिको बजार व्यवस्था तथा यातायात आदि सुधार्न सकिने पूर्ण भरोसा गरेका छन्। यसैगरी उक्त सडक निर्माणले स्थानीय वासीहरूलाई ग्राम पञ्चायत कार्यालय, खण्ड विकास कार्यालय पुल-बिजनबारी संगै नेपाल, सिक्किमसम्मको यातायातमा सहज सुविधा हुनसक्ने यस अभेग क्षेत्रकाे निम्ति नितान्त जरूरी उक्त बाटोलाई सम्बन्धित विभाग तथा सरकार पक्षबाट चाँडै स्विकृत गरिदिए भुक्तभोगी जनताहरूको कल्याण हुने क्षेत्र वासीहरूले आग्रह गरेका छन्।गत 25 दिसम्बरदेखि लगातार 2 दिनसम्म भएको सर्वेक्षणमा ठेकेदार भोटिया, विभागिय सहअभियान्त छेत्री लगायत इञ्जिनियर बिबेस दाहाल, दिग्विजय सरकार अनि अविजित कविराज सँगै स्थानीयहरू दिपक खालिङ, मानधोज राई, दिनेस राई लगायत स्थानीय जनसाधरण धेरैको सहभागी रहेको जानकारी इशाक राईले दिएको छ।