सांसद विष्टको “वार्तालाप- ग्रामीण मिडिया कार्यशाला” मा सम्बोधन

सांसद राजु विष्टले प्रेस सूचना ब्युरो (PIB) द्वारा आयोजना गरिएको “वार्तालाप- ग्रामीण मिडिया कार्यशाला” मा सम्बोधन गरेका थिए। यो कार्यशालाले भारत सरकार र क्षेत्रीय मिडियाबीच समन्वय र समझदारी बलियो बनाउने उद्देश्य राख्छ।
सम्पूर्ण भारतभर “वार्तालाप” एक पुलको रूपमा कार्य गर्दैछ जसले सुनिश्चित गर्दछ, २०१४ देखि प्रधानमन्त्री नरेन्द्र मोदीको मार्गदर्शन र नेतृत्वमा सुरु गरिएका विभिन्न केन्द्रीय सरकारका योजना, कार्यक्रम र परियोजनाबारे सही र समयमा जानकारी सधैं जमीनी स्तरसम्म पुगोस्। “वार्तालाप” को केन्द्रीय उद्देश्य दुइतर्फी स्वस्थ संवाद सिर्जना गर्नु हो। पहिलो, यसले नीति अद्यावधिक र कल्याण कार्यक्रमको विवरण प्रसारित गर्दछ, र दोस्रो, यसले ग्रामीण मिडियालाई जनताबाट प्राप्त प्रत्यक्ष प्रतिक्रिया साझा गर्न एउटा प्लेटफर्मको रूपमा काम गर्दछ।
यी कार्यशालाहरूले हाम्रो क्षेत्रीय सञ्चारमाध्यमलाई भारत सरकारले सुरू गरेका विभिन्न नीति र कार्यक्रमहरू बुझ्न मद्दत गर्छन्, र ती तथा अन्य सम्बन्धित विषयहरू आफ्नो दर्शकसँग कसरी राम्रोसँग सम्प्रेषण गर्न सकिन्छ भन्ने कुरा सिकाउँछन्। स्थानीय र क्षेत्रीय सञ्चारमाध्यमले जनचेतना बढाउन महत्वपूर्ण भूमिका खेलेका छन्, विशेष गरी ग्रामीण र टाढाका क्षेत्रमा। तिनीहरूको पहुँचले तिनीहरूलाई सरकारका फाइदा र योजनाहरू अन्तिम व्यक्तिसम्म पुगाउन असिन्ने साझेदार बनाइरहेको छ। आजको सबैभन्दा ठूलो सञ्चार चुनौती सरकारका योजनाहरु नभएको होइन, तर नागरिकहरुमा सीमित जानकारी हुनु हो। धेरै योग्य लाभार्थीहरू विभिन्न सरकारी योजनाहरूको बारेमा जानकारी राख्दैनन् र दुःखको कुरा, धेरै अवस्थामा, मानिसहरू जानकारी नपाएको कारण बञ्चित हुन्छन्।
यसैले, हाम्रो जस्तो क्षेत्रमा समाचार र मिडियालाई “वार्तालाप” मार्फत जोड्ने PIB पहल साँच्चिकै महत्वपूर्ण छ। सांसद राजु विष्टले PIB को यो पहललाई प्रत्येक जिल्लामा लैजानेछ, र हाम्रो क्षेत्रमा पनि दार्जीलिङ, कालेबुङ पहाड र डुवर्समा यस्ता कार्यशालाहरू सञ्चालन गर्नेछ, जहाँ हिल मिडिया र डुवर्सका मिडियाले पनि भाग लिन सक्छन् भन्ने बारेमा आशावादी रहँदै PIB लाई फेरि एकपटक तिनीहरूको महत्वपूर्ण पहलको लागि धन्यवाद दिएका छन्।