भानुभक्त समिति स्थित बुक आन्टको प्रेक्षागृहमा साहित्य अकादमीको सहयोगमा मिट एन्ड हेयर साथै कवि सम्मेलन अनि पीपल एन्ड बुक भव्य रूपमा सम्पन्न भयो। यस कार्यक्रममा मिट एन्ड हेयर सत्रमा बरिष्ठ साहित्यकार युवराज काफ्लेद्वारा नेपाली साहित्यमाथि गहन तथ्य प्रस्तुत गरिएको थियो। कार्यक्रमको अध्यक्षता नेपाली भाषा परामर्श समितिका संयोजक शङ्कर देव ढकालद्वारा गरिएको थियो। प्रमुख अतिथिका रुपमा पद्मश्री चर्चित वैज्ञानिक डा. एकलव्य शर्माको उपस्थिति रहेको थियो। यसैक्रममा सञ्चालित कवि सम्मेलनमा युवा कविहरू मुस्कान लकान्द्री अजीत वियोगी, मेरिना लेप्चा, रेजिना सुब्बा अनि प्रज्वल थापाको सहभागिता रहेको थियो। यसरी नै व्यक्ति अनि कृति सत्रमा बुक आन्टका प्रमुख राजा पुनियानीले चर्चित न्युरोलोजिस्ट डा. सिद्धिराज शर्माको परिचय प्रस्तुत गरेका थिए। डा. शर्माले आफ्नो जीवनमा प्रभाव पारेका पुस्तकहरूमाथि चाखलाग्दो वक्तव्य दिएका थिए। यो कार्यक्रम सफल पार्न नेपाली भाषा परामर्श समितिकी खरसाङ सदस्या श्रीमती आशा लामा मुखियाको विशेष भूमिका रहेको थियो।











