बिजनबारी,28 दिसम्बर(निसं): बिजनबारी कला सङ्गमकाे आयाेजनामा शनिबार बिजनबारी-पुलबजार ग्राम पञ्चायत भवनमा 98औ अगमसिंह गिरी जन्मजयन्ती पालन गरेको छ। सङ्गमका सभापति एमबहादुर सुब्बाको अध्यक्षतामा सम्पन्न यस कार्यक्रममा बिजनबारी कला संगमका संरक्षकद्वय राजेन्द्र प्रधान कुमुदरन्जन गिरी सल्लाहकार सदस्यहरु कमल प्रधान, टीबी बराईली , दिपक प्रधान अनि प्रेमनाथ सेवा लगायत स्थानीय विशिष्ट व्यक्तिहरुकाे सहभागिता रहेकाे थियोे । कवि गिरीकाे तस्बिरमा माल्यार्ण तथा दिप प्रज्ज्वलन गरेपछि शुरु गरेको कार्यक्रममा कवि शरण खालिङले गिरीकाे याेगदान र महत्त्वबारे संक्षेपमा वक्तव्य पेश गरे भने गिरीले साहित्यको माध्यमबाट दार्जीलिङ क्षेत्र समाजलाई झस्काउने कार्य गरेको स्मरण गरे। यसैगरि आउँदो वर्ष गिरी जयन्तीलाई भव्यरुपले पालन गर्ने सगमको योजना रहेको अध्यक्ष एमबहादुर सुब्बाले बिचार व्यक्त गरे भने उपस्थित सबैलाई आभार समेत प्रकट गरे ।
