सोनादा क्षेत्रमा पटक पटक बिजुली बत्ती जाने समस्याको समाधानका लागि विभाग समक्ष ज्ञापन

Share this news

सोनादा , (निसं): सोनादा क्षेत्रमा लगातार रुपमा बिजुली बत्तीको समस्या रहेकोले स्थानीय जनप्रतिनिधिहरुको साथमा स्थानीय बिजुली उपभोक्ताहरूले सोनादास्थित विद्युत्‌‍ कार्यालयमा गएर स्टेशन म्यानेजरलाई लिखित ज्ञापन पत्र बुझाएका छन्‌‍। सोनादा क्षेत्रमा पटक पटक रुपमा बिजुली बत्ती जाने हुनाले स्थानीय उपभोक्ताहरुलाई धेरै असुविधा भईरहेको विषयमा उक्त ज्ञापन पत्र बुझाएको बताइएको छ। उक्त ज्ञापन पत्र बुझाउने टोलीमा पञ्चायत समिति सदस्य सुमन बम्जन, लोवर सोनादा ग्राम पञ्चायतको उप प्रधान थिलेन लामा लगायत अप्पर र लोवर सोनादा ग्राम पञ्चायतको जनप्रतिनिधिहरु र स्थानीयहरु उपस्थित रहेका थिए। उक्त टोलीले सोनादाको राते माटोस्थित विद्युत्‌‍ विभागको कार्यालयमा पुगेर स्टेशन म्यानेजर जेई प्रतिक्षा छेत्रीलाई भेटेर लिखित ज्ञापन पत्र बुझाएका छन्‌‍। विशेष गरेर सोनादा क्षेत्रमा पटक पटक बिजुली बत्ती जाँदा स्थानीयहरु, विद्यार्थीहरु, ग्राम पञ्चायत कार्यालयमा स्थानीयहरुका लागि काम गर्नलाई धेरै असुविधा भईरहेको जानकारी गराइएको छ। उक्त टोलीले स्टेशन म्यानेजर समक्ष सोनादा क्षेत्रमा लगातार रुपमा बिजुली बत्ती जाने समस्या समाधानको लागि झट्टै पहल गरिदिने र यस समस्याको समाधान गरिदिने निवेदन गरेका छन्‌‍। यस ज्ञापन पत्र विषयमा पत्रकारहरुसित कुराकानी गर्दै पञ्चायत समिति सदस्य सुमन बम्जन, लोवर सोनादा ग्राम पञ्चायतको उप प्रधान थिलेन लामाले विस्तृत रुपमा जानकारी गराएका छन्‌‍। यसको साथै स्टेशन म्यानेजर प्रतिक्षा छेत्रीले यस विषयमा आफ्नो तर्फबाट पनि स्पष्टीकरण दिएकी छन्‌‍। उनले आफूहरू उपभोक्ताहरुको समस्या समाधानको लागि नै बसेको बताउँदै सोनादा क्षेत्रमा बिजुली बत्ती गएको कारण मेन लाइनमा मरमत्तिको कार्य चलिरहेकोले हो र यो समस्या वर्तमान प्राकृतिक प्रकोपको कारण पनि सृजना भएको बताइन्‌‍। उनले यो समस्याको समाधान गर्न झट्टै पहल गर्ने आश्वासन पनि दिएकी छन्‌‍।


Share this news
आजको रोजाइ
सांसद विष्टको “वार्तालाप- ग्रामीण मिडिया कार्यशाला” मा सम्बोधन

सांसद विष्टको “वार्तालाप- ग्रामीण मिडिया कार्यशाला” मा सम्बोधन

मिट एन्ड हेयर, कवि सम्मेलन र पीपल एन्ड बुक आयोजित

मिट एन्ड हेयर, कवि सम्मेलन र पीपल एन्ड बुक आयोजित

लोक संगीतको मेरुदण्ड ‘मारूनी’ जोगाउँदै के बी वातर

लोक संगीतको मेरुदण्ड ‘मारूनी’ जोगाउँदै के बी वातर

माल्तुम-दश नम्बर सडक निर्माणको लागि शिलान्यास

माल्तुम-दश नम्बर सडक निर्माणको लागि शिलान्यास

सांसद राजु बिष्ट सुवेन्दु अधिकारीसँग पुगे ऋचा घोषको घर

सांसद राजु बिष्ट सुवेन्दु अधिकारीसँग पुगे ऋचा घोषको घर

सब-इन्स्पेक्टर भर्तीमाथि CAP र SDF को झुटो आरोप

सब-इन्स्पेक्टर भर्तीमाथि CAP र SDF को झुटो आरोप

दिलीपकुमार बराइली जस्ता एक योग्य भरपर्दो व्यक्तिलाई समाजले गुमायोः जागृति परिवार

दिलीपकुमार बराइली जस्ता एक योग्य भरपर्दो व्यक्तिलाई समाजले गुमायोः जागृति परिवार

पार्मटी अध्नयक्ष  घिसिङ अनि अन्य नेतृत्वहरूले दिल्लीमा निभाउन पर्ने भूमिका निभाउदैछन्ः गोरामुमो

पार्मटी अध्नयक्ष घिसिङ अनि अन्य नेतृत्वहरूले दिल्लीमा निभाउन पर्ने भूमिका निभाउदैछन्ः गोरामुमो

टासी साम्तेनलिङ गुम्बामा पाँच दिवसीय तारादेवी पूजा समापन

टासी साम्तेनलिङ गुम्बामा पाँच दिवसीय तारादेवी पूजा समापन

बाईपास रोडको हावा घर सोचनीय बन्दैछ

बाईपास रोडको हावा घर सोचनीय बन्दैछ

आजको रोजाइ