मङपु अदालतका न्यायाधीश अलकानन्दा विवादमा तुरुन्त हस्तक्षेप माग

मङपु अदालतका न्यायाधीश अलकानन्दा सरकारको विवादमा तुरुन्त हस्तक्षेपको माग गर्दै मन्त्री मलय घटकलाई ज्ञापन दिएर कुराकानी गरेको जीटीए प्रमुख अनित थापाले बताएका छन्। उनले दार्जीलिङ्ग बार एशोसिएसनका महासचिव दिनेश चन्द्र राईको एक टोलीले आफूलाई भेटेर एउटा ज्ञापन पत्र चढाएको थियो। जसमा मङपू अदालतका न्यायाधीश अलकानन्दा सरकार पुनः अदालतमा फर्केको जानकारी दिएका थिए। यही सन्दर्भमा थापाले मन्त्रीसङ्ग कुरा गरेका थिए। मन्त्री घटकले उनको कुरा बुझेर तुरन्तै दिनेश राईसँग फोनमा यस विषयमाथि कुराकानी पनि गरेको बताए।