खरसाङ, 12 जुलाई (निसं): खरसाङ फुटबल एसोसिएशन अनि युवा एवं खेल मामिला विभाग, जीटीएको संयुक्त तत्वाधानमा आयोजित खरसाङ सुपर लीग 2025 फुटबल 
टुर्नामेन्टको सातौँ दिनको खेल सम्पन्न भएको छ। खरसाङ बजारदेखि 4 किलो मिटरको दुरीमा अवस्थित गोथल्स मेमोरियलय स्कूलको खेल मैदानमा सम्पन्न भइरहेको यस टुर्नामेन्टको सातौँ दिनको खेल शिनिवार प्रिमियर डिभिजन अन्तर्गत खरसाङ लिजण्ड अनि युकेएफसीमाझ खेलियो। यस खेलमा खरसाङ लिजण्डले 1 गोल गर्यो भने युकेएफसीका खेलाड़ीहरूले कुनै गोल गर्न सकेेनन्। यस खेलमा खरसाङ लिडण्डका खेलाड़ी चिराज थापाले छिराएका हुन्। यस प्रकार यो खेलमा खरसाङ लिजण्डले युकेएफसीलाई शुन्यको विरुद्ध 1 गोलले हराएको छ। दोस्रो खेल च्याम्पियन डिभिजन अन्तर्गत मकैबारी चुनाइटेड एफसी अनि युकेएफसीमाझ सम्पन्न भयो। यस खेलमा मकैबारीका खेलाड़ीहरूले 3 गोल गरे भने युकेएफसीका खेलाड़ीहरूले 2 गोल मात्र गर्न सके, यसरी यो खेल मकैबारी युनाइटेड एफसीले 2 गोलको विरुद्ध 3 गोल गरेर जितेको छ। शनिवारको दुवै खेलको सञ्चालन हिल्स रेफेरीस एसोसिएसनका रेफेरीहरू नितेश देवान, सुरेन गुरुङ, रेबिका प्रधान, सलमा राईले गरेका थिए भने फोर्थ अफिसियलमा सञ्जय थापा थिए भनी खरसाङ फुटबल एसोसिएशनका सचिव सुदीप राईले जानकारी दिएका छन्।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
