भारतका चर्चित मोटाभ्लगर तथा युट्युबर अनुराग डोभाल दिल्ली–मेरठ एक्सप्रेसवेमा कार दुर्घटनामा परेपछि गम्भीर अवस्थामा अस्पतालमा उपचाररत छन्। दुर्घटना राति गाजियाबाद नजिकैको मसूरी क्षेत्रतर्फ भएको बताइएको छ।प्राप्त जानकारीअनुसार २८ वर्षीय डोभाल आफ्नो टोयोटा फर्च्युनर चलाउँदै गर्दा इन्स्टाग्राममा लाइभ प्रसारण गरिरहेका थिए। सो समय ८० हजारभन्दा बढी दर्शकले उनको लाइभ हेर्दै थिए, जसकै बीचमा गाडी अनियन्त्रित भएर सडकको डिभाइडरमा ठोक्किएको थियो।
प्रत्यक्ष प्रसारणका क्रममा डोभाल निकै भावुक देखिएका थिए। उनले आफू एक्लोपन र मानसिक तनावबाट गुज्रिरहेको बताउँदै यात्रालाई “अन्तिम ड्राइभ” भनेर उल्लेख गरेका थिए। दुर्घटना हुनुअघि गाडीको गति १४० देखि १५० किलोमिटर प्रतिघण्टासम्म पुगेको भिडियोमा देखिएको बताइएको छ।दुर्घटनापछि स्थानीय मानिस तथा आपत्कालीन सेवाका कर्मचारीहरू घटनास्थलमा पुगेका थिए। घाइते डोभाललाई तुरुन्तै मेरठस्थित सुभार्ती अस्पताल लगिएको थियो, जहाँ उनको गम्भीर अवस्थाका कारण सघन उपचार कक्ष मा राखेर उपचार भइरहेको जनाइएको छ।
अनुराग डोभाल भारतका लोकप्रिय डिजिटल कन्टेन्ट क्रिएटरमध्ये एक मानिन्छन्। उनी नामबाट युट्युबमा मोटरसाइकल यात्रा, लाइफस्टाइल र मोटाभ्लगिङसम्बन्धी भिडियोहरूका कारण प्रसिद्ध भएका हुन्। उनका विभिन्न सामाजिक सञ्जाल प्लेटफर्ममा लाखौँ अनुयायी रहेका छन् र उनले रियालिटी शो ‘बिग बोस १७’ मा पनि सहभागिता जनाएका थिए।
यस घटनापछि सामाजिक सञ्जालमा व्यापक चर्चा सुरु भएको छ। धेरैले उच्च गतिमा गाडी चलाउँदै लाइभ स्ट्रिमिङ गर्नु जोखिमपूर्ण भएको भन्दै सडक सुरक्षा र मानसिक स्वास्थ्यसम्बन्धी बहस पनि उठाएका छन्।डोभालका व्यवस्थापकले सामाजिक सञ्जालमार्फत उनको उपचार भइरहेको पुष्टि गर्दै आधिकारिक जानकारीका लागि आधिकारिक स्रोतलाई मात्र विश्वास गर्न अनुरोध गरेका छन्।
