वन्यजन्तु संरक्षण र व्यवस्थापनसम्बन्धी जनचेतना कार्यक्रम सम्पन्न

सिक्किम सरकारका मुख्यमन्त्री प्रेमसिंह तामाङ गोलेको निर्देशन तथा प्राथमिकताअनुसार “कनेक्ट टु अर्थ” अभियान तथा मुख्यमन्त्रीको संरक्षण–केन्द्रित मार्गदर्शनलाई जमीनी तहमा थप प्रभावकारी रूपमा कार्यान्वयन गर्न मद्दत पुगेको विश्वास व्यक्त गर्दै माइनम शाखा वन्य विभाग अन्तर्गत बिहीबार राभाङ्ला इन्टरप्रिटेसन सेन्टर हलमा वन्यजन्तु संरक्षण तथा व्यवस्थापनसम्बन्धी एकदिने जनचेतना कार्यक्रम सफलतापूर्वक सम्पन्न भयो। कार्यक्रममा स्थानीय पञ्चायत प्रतिनिधि, EDCs, स्थानीय बासिन्दा, वन अधिकृत तथा कर्मचारीहरूको उल्लेखनीय सहभागिता रहेको थियो।
कार्यक्रमको उद्देश्य मानव–वन्यजन्तु द्वन्द्व (Human–Wildlife Conflict–HWC) न्यूनीकरण, फोहोर व्यवस्थापन, चारण नियन्त्रण, फील्ड अवस्थाहरू, संरक्षण क्षेत्रका चुनौती तथा सम्भावित समाधानबारे समुदायमा विस्तृत जानकारी प्रदान गर्नु थियो।
कार्यक्रम अतिथिहरू तथा अधिकारीहरूको आगमनसँगै प्रारम्भ भयो। स्वागत मन्तव्य ACF, राबोङ्ला द्वारा प्रस्तुत गरियो। MWLS अन्तर्गत सञ्चालन भइरहेका संरक्षण तथा व्यवस्थापन कार्यक्रमबारे ACF टोलीका उगेन टी. भुटिया, दीपिका छेत्री र सुरेखा छेत्रीले विस्तृत प्राविधिक प्रस्तुतीकरण गरे।
उनीहरूले विशेष गरी Human–Wildlife Conflict (HWC) न्यूनीकरण चारण प्रतिबन्ध (Grazing Ban) को कार्यान्वयन र प्रभाव, वन्यजन्तु प्रजाति व्यवस्थापन सम्बन्धी कानुनी प्रक्रिया (Culling of Wild Boar), वन्यजन्तुका लागि फलफूल दिने प्रजातिहरू रोपण (Wildlife Fruit-Bearing Species Plantation), फोहोर व्यवस्थापन तथा प्राकृतिक वासस्थान संरक्षणका उपायहरू, MWLS अन्तर्गतका चालु कार्यक्रम तथा आगामी कार्ययोजना विषयहरूमा जानकारी प्रदान गरे। वक्ताहरूले सिक्किम सरकार तथा मुख्यमन्त्रीको प्रत्यक्ष निर्देशनअनुसार राज्यमा HWC न्यूनीकरण, चारण नियन्त्रण, वन्यजन्तुका प्राकृतिक आहार स्रोत विस्तार, अवैध गतिविधि नियन्त्रण तथा जिम्मेवार समुदाय–आधारित संरक्षणलाई सर्वोच्च प्राथमिकतामा राखी कार्य भइरहेकाबारे जानकारी गराए।
त्यसपछि राखिएको खुला छलफल सत्रमा स्थानीय बासिन्दा, पञ्चायत तथा EDC सदस्यहरूले व्यवहारिक चुनौती तथा सुधारका सुझावहरू राखे। सहभागीहरूका जिज्ञासाहरूको समाधान गर्दै DFO, Namchi Wildlife ले विभागका प्रयास, नीति कार्यान्वयन तथा आगामी दिनमा समुदायसँगको सहकार्यलाई अझ मजबुत बनाइने प्रतिबद्धता व्यक्त गरे। कार्यक्रममा राबोङ वार्ड पञ्चायतका प्रतिनिधि श्री कर्मा डाडुल भुटियाले मानव–वन्यजन्तु सहअस्तित्वका लागि स्थानीय समुदायको सक्रिय सहभागिता अनिवार्य रहेको बताउँदै, पञ्चायत तर्फबाट संरक्षण कार्यमा निरन्तर सहयोग गर्ने आश्वासन व्यक्त गरे। MWLS Namchi Wildlife Division द्वारा आयोजित यो जनचेतना कार्यक्रमले स्थानीय समुदायमा वन्यजन्तु संरक्षण, फोहोर व्यवस्थापन, चारण नियन्त्रण तथा प्राकृतिक वासस्थान संरक्षणबारे प्रभावकारी सन्देश प्रवाह गर्न सफल भएको आयोजकहरूले जनाए।कार्यक्रमबाट सिक्किम सरकारले अघि बढाइरहेको “कनेक्ट टु अर्थ” अभियान तथा मुख्यमन्त्रीको संरक्षण–केन्द्रित मार्गदर्शनलाई जमीनी तहमा थप प्रभावकारी रूपमा कार्यान्वयन गर्न मद्दत पुगेको विश्वास व्यक्त गरिएको छ।