हामी कानुन पनि तोडदैनौं, काम पनि बिगार्दैनौं अनि कसैसंग डराउँदैनौं पनि यो भनाई इण्डियन गोर्खा जनशक्ति फ्रण्टको केन्द्रीय संयोजक अजय एडवर्डसको हो।तकदाह टिष्टा भ्याली समष्टिको बस्नेत गाउँमा आज नव निर्माण बाटोको विधिवत उद्घाटन सम्पन्न भयो।आयोजित उद्घाटन समारोहलाई सम्बोधन गर्दै इण्डियन गोर्खा जनशक्ति फ्रण्टको संयोजक अजय एडवर्डसले पश्चिम बंगालमा चुनावको घोषणा भई सकेको छ,अहिले राज्यलाई निर्वाचन आयोगले संचालन गर्दैछ।इण्डियन गोर्खा जनशक्ति फ्रण्टले उम्मेद्वारको घोषणा गरेको छैन अनि जबसम्म उम्मेद्वारको घोषणा गरिन्दैन तबसम्म आफुहरूले गरेको सामाजिक कार्यहरूको उद्घाटन गर्न सकिन्छ।हामी देशको कानुनलाई सम्मान गर्छौ,हामी कानुन तोडदैनौ अनि कसैसंग डराउँदैनौ पनि।पुलिस प्रशासनहरूसंग भष्ट्रचारीहरू, गुण्डाहरू, चोरहरू डराउनु पर्छ तर तपाई हामी जस्ता समाजसेवीहरू डराउनु पर्दैन भन्दै एडवर्डसले व्यंग्य कस्यो। तिनले अघि भने जनताले निर्माण गरेको बाटो,समाज घर जे जति निर्माण गरेका छन,त्यसको उदघाटन गर्न जनताले निम्ताउँछ भने हामी अवश्य जाने इण्डियन गोर्खा जनशक्ति फ्रण्टका केन्द्रीय संयोजक अजय एडवर्डसले बताए।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
