दार्जीलिङ, 5 फरवरी(निसं):भारतीय गोर्खा प्रजातान्त्रिक मोर्चा (भागोप्रमो) घूम- जोरबङ्गलो समष्टिका महासचिव तथा चुनाउ प्रभारी दिपक छेत्रीले एक प्रेस विज्ञप्ति जारी गर्दै भनेका छन्, 2026 साल यसपालीको विधान सभा चुनाउमा दार्जीलिङ विधानसभा क्षेत्रबाट शिक्षक विजय कुमार राई जस्तो भद्र व्यक्ति खडा हुन भनेको हाम्रो अहोभाग्य हो। उनले भने, विजय कुमार राई एक शिक्षक मात्र नभएर उनी एक आदर्श पुरुष पनि हुन्। उनी जस्तो व्यक्तित्व भएको व्यक्तिहरु नै विधानसभाको भवनमा पठाउनु पर्छ किनकि हाम्रो समस्याहरु मागहरु उनी जस्ता व्यक्तिहरुले नै सही रुपले विधानसभामा राख्न सक्छन्। अनि आफ्नो बिषयहरु बारे सरकारलाई राम्ररी अवगत गराउन सक्दछन्। उनले थप बोल्दै भनेका छन्, घूम जोरबङ्गलो समष्टि पुर्ण रुपमा चुनाउको निम्ति तयार छन्। साथै उनले विजय कुमार राईको जीतबारे निश्चितता पनि प्रकट गरे।
