दार्जीलिङ,3 म मई(निसं): विवाहबाट फर्किएर आइरहेका तीनजना मित्रहरू माझ बाटोमा भनाभरी साथै झगडा भएर कुटाकुट हुँदा एकजना विजय लामा नामक व्यक्तिलाई हत्या गरिएको घटना प्रकाशमा आएको छ। घटनालाई लिएर क्षेत्रमा निकै सनसनी फैलिएको साथै समयमा नै हत्यारा आरोपीद्वयलाई पुलिसले पक्राउ गरिएको जानकारी प्राप्त भएको छ।विजय लामा हत्या आरोपी उमेश मुखिया लाई शनिबार दार्जीलिङ जिल्ला अदालतमा उपस्थित गराइयो भने उनलाई चार दिनको निम्ति पुलिस हिरासतमा जिल्ला अदालतले पठाइएको जिल्ला अदालत एसिस्टेन्ट पब्लिक प्रसिक्युटर ऐचन्तु बाक्सिले जानकारी दिएका छन्।
आरोपी मुखियालाई आगामी 6 मईको दिन फेरि जिल्ला अदालतमा उपस्थित गराइनेछ।उनले बताएअनुसार, विजय लामा हत्या काण्ड आरोपी अर्का एकजना नाबालक लाई पनि पक्राउ गरिएको छ। उनलाई दार्जीलिङ जिल्ला जुबिनाइल अदालतमा पेश गरियो। घटनाको जानकारी गराउँदै जिल्ला अदालत एपीपीले बताए अनुसार, गत 1 मईको दिन राति लगभग 10:30 बजीतिर मृतक विजय लामा गाउँको नालीमा लडिरहेको देखेर गाउँकै एनबी मुखियाले लेबोङमा जानकारी गराएपछि विजय लामालाई स्पताल पुर्याइयो जहाँ डाक्टरहरूले लामालाई मृतक घोषणा गरिएको बाक्सिले बताए। उनले थप बताएअनुसार, मृतक विजय लामा हत्या आरोपी उमेश मुखिया अनि एक नाबालक विवाहबाट फर्किँदा बाटोमा झगडा भएर विजय लामामाथि प्राणघातक हमला गरिएको प्राथमिक जाँचमा थाहा लागेको छ, जाँच अनुसार मृतक लामालाई निकै गम्भीर रूपमा कुटपिट गरिएको जानकारी छ।
यस घटनाबारे दार्जीलिङ जिल्ला जुबिनाइल अदालतका स्पेसल पब्लिक प्रसिक्युटर जयन्ती देवानले बताए अनुसार, विजय लामा हत्यारोपी नबालकलाई जलपाईगुडी बाल सुधार गृहमा पठाइयो, उनलाई आगामी 14 दिनपछि पुनः जुबिनाइल अदालतमा उपस्थित गराइनेछ।
