दार्जीलिङ,3 जनवरी(निसं): अखिल भारतीय तृणमूल कांग्रेसको 29औ स्थापना दिवस कार्यक्रम दार्जीलिङ जिल्ला हिल्स तृणमूल कांग्रेसले दार्जीलिङ शहरको जज बजारस्थित पार्टी कार्यालयमा गरिमामय सफलतापूर्वक सम्पन्न गर्यो।
यस अवसरमा असन सुब्बा, जिल्ला सहायक महासचिव, अखिल भारतीय तृणमूल कांग्रेस, दार्जीलिङ जिल्ला हिल्स तथा सिद्धार्थ थामी, अध्यक्ष, त्रिणमूल युवा कांग्रेस, दार्जीलिङ टाउनको गरिमामय उपस्थितिमा पार्टी झण्डा उत्तोलनसहित स्थापना दिवस समारोह सम्पन्न गरियो। कार्यक्रमका क्रममा पार्टीको मूल आदर्श मा–माटी–मानुष, जनसेवा, सामाजिक न्याय तथा लोकतान्त्रिक मूल्यहरूप्रति हाम्रो अटुट प्रतिबद्धता पुनः दृढताका साथ दोहोर्याइयो।
उक्त कार्यक्रममा पार्टीका वरिष्ठ नेतागण, युवाहरू, कार्यकर्ताहरू तथा समर्थकहरूको उत्साहपूर्ण सहभागिताले समारोहलाई अझ अर्थपूर्ण र सफल बनायो।नयाँ ऊर्जा, एकता र समर्पणका साथ जनताको हक र अधिकारको संरक्षण तथा क्षेत्रको सर्वाङ्गीण विकासका लागि निरन्तर अगाडि बढ्ने दृढ संकल्प व्यक्त गर्दै अखिल भारतीय तृणमूल कांग्रेसको 29औँ स्थापना दिवसको सबैलाई शुभकामना पनि दिएको दार्जीलिङ जिल्ला हिल्स तृणमूल कांग्रेसले बताएकोछ।
