खरसाङको गिद्ध पहाडस्थित नेताजी म्युजियम एवं नेताजी इन्स्टिच्युट फर एसियन स्टडिसमा नेताजी सुभाषचन्द्र बसुको 129 औं जन्म वार्षिकी समारोह आयोजन गरिएको थियो। खरसाङ महकुमा सूचना अनि सांस्कृतिक विभाग र नेताजी म्युजियमको संयुक्त आयोजनामा नेताजी सुभाषचन्द्र बसुको 129 औं जन्म वार्षिकी समारोह आयोजन गरिएको थियो। उक्त समारोह नेताजी म्युजियमको इन्चार्ज गणेश प्रधानको अध्यक्षता र खरसाङको डेपुटी मेजिस्ट्रेट देवाज्योति बरालको प्रमुख आतिथ्यतामा आयोजन गरिएको थियो। कार्यक्रममा विशिष्ट अतिथिको रुपमा पीडब्ल्युडी विभागका सहायक अभियन्ता सञ्जयकुमार रोय, भारत स्काउट एण्ड गाइडका जोगेन्द्र प्रसाद, गोर्खा जनपुस्तकालय खरसाङका उप सभापति कृष्ण पाण्डे, वरिष्ठ सदस्य कुमार मंग्राती आदि उपस्थित रहेका थिए।
सूचना अनि सांस्कृतिक विभागको खरसाङका कर्मचारी निमा शेर्पाले सञ्चालन गरेको कार्यक्रममा स्वागत सम्भाषण विभागीय अधिकारी दिपककुमार कर्माकारले राखेका थिए। कार्यक्रममा सूचना अनि सांस्कृतिक विभागको लोक प्रसार प्रकल्पका कलाकारहरुले देशभक्ति गीतहरु प्रस्तुत गरेका थिए। कार्यक्रममा प्रमुख अतिथिको रुपमा उपस्थित डेपुटी म्याजिस्ट्रेट देवाज्योति बराल, विशिष्ट अतिथि एई सञ्जय कुमार रोयले नेताजी सुभाषचन्द्र बसुको विषयमा वक्तव्य राखेका थिए। कार्यक्रममा नेताजी सुभाषचन्द्र बसुको सालिगमा अतिथिहरुका बाहुलीबाट धुप दीप प्रज्ज्वलन साथै माल्यार्पण गरेर श्रध्दाञ्जली अर्पण गरिएको थियो।
कार्यक्रममा धन्यवाद ज्ञापन नेताजी म्युजियमको इन्चार्ज गणेश प्रधानले राखेका थिए। कार्यक्रमको अन्त्यमा राष्ट्रिय गान गाएर कार्यक्रम समाप्त गरिएको थियो। उक्त श्रद्धाञ्जली कार्यक्रम नेताजीको जन्मको समय 12 बजेर 15 मिनटमा साइरन बजाएर कार्यक्रम शुरु गरिएको थियो। नेताजी सुभाषचन्द्र बसुको 129 औं जन्म वार्षिकी समारोह विषयमा पत्रकारहरुसित कुराकानी गर्दै नेताजी म्युजियमका पहाडको इन्चार्ज गणेश प्रधानले विस्तृत रुपमा जानकारी गराएका थिए।
