सोनादा , (निसं): सोनादादेखि ग्यारेज लाइन हुँदै ओह्रालो नाली चउर, पचेङ, रंगमुक, मुण्डा, सिडर्स जाने रोडको मरमत्तिको कार्य शुरु गरिएको छ। उक्त रोडको मरमत्तिको लागि गाडीहरु सञ्चालनको लागि समय सारणी जारी गरिएको छ। यस रोडको मरमत्तिको लागि सम्पूर्ण चालकहरुलाई तोकिएको समयमा गाड़ी कुदाई दिने अनुरोध गरिएको छ। विशेष गरेर यस रोडको मरमत्तिको लागि बिहान 9 बजीभित्र सबै गाड़ी गई सक्नु पर्ने र साँझ 5 बजीपछि मात्र गड़ीहरु फर्किनु पर्ने समय सारणी जारी गरिएको छ।
यस रोडको मरमत्तिको कार्य दिनभरि हुने भएकोले गाड़ी चलाचल बन्द हुने भएको छ भने आपतकालीन सेवाको गाडीलाई मात्र छुट दिइने भएको छ। उक्त रोडको मरमत्तिको लागि जारी समय सारणी विषयमा पत्रकारहरुसित कुराकानी गर्दै माईकल गुरुङले सोनादादेखि ग्यारेज लाइन हुँदै रंगमुक, मुण्डा, सिडर्स जाने रोडको मरमत्तिको कार्य शुरु गरिएको र यसको लागि समय सारणी जारी गरिएको जानकारी गराएका छन्। उनले बिहान 9 बजीभित्र सबै गाडीहरु गईसक्नु पर्ने र साँझ 5 बजीपछि मात्र गाडीहरु फर्किनु पर्ने जानकारी गराउँदै दिनभरि रोड मरमत्तिको कार्य हुने र यसको लागि सबैले साथ र सहयोग गरिदिने निवेदन गरेका छन्। उनले रोड मरम्मतिको कार्य दिनभरि हुने भएकोले यसावधि आपतकालीन सेवाको गड़ीलाई मात्र छुट दिने भएको पनि बताएका छन्।
