“हाम्रो संस्कृति फाउन्डेसन, रंगलीको तत्वावधानमा
चिया अनि पर्यटन सांस्कृतिक उत्सवको दोस्रो दिन साहित्यिक कार्यक्रम आयोजन गरियो।
दार्जीलिङको रंगली रंगलियट चियाबारीमा आयोजित
तीन दिवसीय उत्सवको उद्घाटन सोमबार २९ दिसम्बरमा
भएको थियो, आज ३० दिसम्बर दोस्रो दिन अनि भोलि ३१ दिसम्बरमा समापन कार्यक्रम हुनेछ।
आज दोस्रो दिनको, कार्यक्रममा सभापति-दिनेश अग्रवाल उपस्थिति रहेका थिए भने,
बिशिष्ट अतिथिहरुमा:अमर लामा अनि बिक्रम राई थिए।
यस कार्यक्रमा स्वागत संगीत, इशान परियारले प्रस्तुत गरेका थिए। यस क्रममा स्वागत नृत्य कौशल राईले प्रस्तुत गरेका थिए।
यस कार्यक्रममा श्रीमती सुषमा मोक्तान गुरुङद्वारा लिखित कविता संग्रह “शहीदको उत्सर्गमा बाँचेको देश” र “यादका हरफहरूमा, आदित्य” कविताको लोकार्पण भएको थियो।
यस कार्यक्रमा सुषमा मोक्तानले सम्मान सम्बोधन राखेकी थिइन्।
पहिलो सत्रमा फेरि पनि नृत्य: गोर्खा नृत्य संगीतालयकी प्रशिक्षिका शेरा राईले प्रस्तुत गरेकी थिइन्। कार्यक्रमा अतिथिद्वयलाई सम्मान पनि गरिएको थियो।
कार्यक्रमलाई अमर राई अनि
कवि पल्लवीले सम्बोधन गरेका थिए। यसक्रममा अञ्जलिना तामाङले गीत गाएकी थिइन् भने गोर्खा नृत्य संगीताज्ञलयले सम्मान गरेको थियो।
दोस्रो सत्रमा गीत: अशोक बलले प्रस्तुत गरेका थिए। धन्यवाद ज्ञापन यस फाउन्डेसनका संस्थापक दिञ्छेन तामाङले गरेका थिए। यसै गरी हिमालयन क्रिड ब्याण्ड तकदाहले संगीतमय कार्यक्रम गरेको आर्नोवाका सचिव दिवाकर ढुंगेल शर्माले जानकारी दिएका छन्।
