अनुप गदालद्वारा एलबी राईप्रति आभार प्रकट

भारतीय गोर्खा प्रजातान्त्रिक मोर्चाका युवा संगठन युवा शक्ति केन्द्रीय उपाध्यक्ष अनुप गदालले मिरिक नगरपालिका अध्यक्ष एलबी राईसित भेट गरि हाउस फर अल योजना अन्तर्गत मिरिक नगरपालिकाबासीलाई घर निर्माणको लागि रहल रकम भुक्तान गर्ने प्रक्रिया शुरू गरिदिएकोमा आभार प्रकट गरे। यस अवसरमा बोल्दै अनुप गदालले राईको लामो समयको कार्यप्रणालीको अनुभव र सक्रिय कार्य प्रणालीले मिरिक नगरपालिकाका वार्डवासीले घर निर्माणको लागि रहल रकम पाउने भएको छ, जो अति नै हर्षको कुरो रहेको बताए। तिनले मिरिक नगरपालिका सरह दार्जीलिङ पहाडका अन्य नगरपालिकाहरूमा पनि यस विषयमा कार्य हुने आशा ब्यक्त गर्दै सबै नगरपालिकाबासीले घर निर्माण गरेको हेर्न चाहने बताए।