आगामी विधानसभा निर्वाचनलाई ध्यानमा राख्दै, हम्रो हिल तराई डुवर्स चियाबारी श्रमिक संघ (HHTDCSS), केन्द्रीय समिति, दार्जिलिङले उत्तर बंगालका पहाड, तराई र डुवर्स क्षेत्रका चियाबगान श्रमिकहरूका लागि वैधानिक न्यूनतम ज्याला र सामाजिक न्याय सुनिश्चित गर्न सबै राजनीतिक दल तथा उम्मेदवारहरूलाई स्पष्ट प्रतिबद्धता जनाउन आग्रह गर्दछ।बारम्बार गरिएको निवेदन तथा कलकत्ता उच्च अदालतको १ अगस्ट २०२३ को आदेश अनुसार छ महिनाभित्र न्यूनतम ज्याला निर्धारण गर्न निर्देशन दिइए पनि, आजसम्म चियाबगान श्रमिकहरूलाई दैनिक मात्र रु. २२० मात्र प्रदान गरिँदै आएको छ। त्यसमाथि, अनधिकृत रूपमा PF कटौती गरिनु तथा कटौती गरिएको PF र व्यवस्थापनको अंश सम्बन्धित खातामा जम्मा नगरिनु ले श्रमिकहरू गम्भीर आर्थिक संकटमा परेका छन्।
श्रमिकहरूको मुख्य मागहरू:
* वैधानिक न्यूनतम ज्यालाको तुरुन्त कार्यान्वयन
* सम्पूर्ण बक्यौता Provident Fund (PF) रकम तुरुन्त जम्मा
* श्रम कानुनहरूको कडाइका साथ कार्यान्वयन
यस निर्वाचनमा चियाबगान श्रमिकहरूले आफ्ना अधिकारको संरक्षण, श्रमको सम्मान र चियाबगान समुदायलाई न्याय दिलाउने विषयमा उम्मेदवारहरूबाट स्पष्ट र ठोस प्रतिबद्धता अपेक्षा गरेका छन्।
इण्डियन गोर्खा जन शक्ति फ्रण्ड
केन्द्रीय कार्यलय
