तकलिङ-पेशोक समस्टि अन्तर्गत बुथ न० २४/६० तकलीङ निम्न बुनियादी पाठशाला को बुथ लेबल कमिटि सङ्गलबार गठन गरिएको थियो। परिवर्तनप्रेमी साथीहरू उत्साहका साथ श्रीमान अजय एडवर्डस् ज्युका भिजन, कर्म अनि कर्म शैलीमा आकर्षण भई अघि आएर आइजीजेएफ पार्टीलाई समर्थन गर्ने जमर्को कसेका छन्।
यसअघि पार्टीको सांगठनिक ढाँचालाई शसक्त बनाउँदै रेलिङ कैजले समष्टि, युवा जनशक्ति फ्रण्ट कोअर्डिनेसन कमिटी गठन गरिएको थियो । एक सभामा पार्टी प्रमुख श्री अजय एडवर्ड्स ज्यूको उपस्थिति लगायत दार्जीलिङ महकुमा समिति युवा संयोजक श्री राब्गे राई अनि रेलिङ कैजले समष्टि संयोजक श्री रूपक चन्द्र तामाङ (दोर्जे) को उपस्थितिमा गठन गरिएको हो।
समितिको प्रमुख संयोजकको रूपमा: श्री सागर गुरुङलाई नियुक्त गरिएको छ भने क्रमैसँग श्री सच्चिन गुरुङ, श्री रोसन छेत्री, श्री फुर्तेम्बा सेर्पा, श्री अशित लिम्बू अनि श्री अनुप प्रधानलाई संयोजकको रूपमा नियुक्त गरिएका छन्।
अर्कोतिर कालेबुङ जिल्ला अन्तर्गत 42 नम्बर समष्टि को रेली समथारमा इण्डियन गोर्खा जनशक्ति फ्रण्ट नारी एकाईको शाखा गठन भएको थियो। इण्डियन गोर्खा जनशक्ति फ्रण्ट नारी एकाई जिल्ला संयोजिका सफिरा राईको विशेष उपस्थितिमा गठन भएको नारी एकाई शाखा समिति अध्यक्ष प्रिसिला लेप्चालाई चयन गरियो। त्यसरी नै उपाध्यक्ष तथा प्रसार प्रचार सचिव एकता मुखिया, उपाध्यक्ष मन माया सुब्बा, सचिव कोटिल्डा राई, सह सचिव सुष्मा राई, कोषाध्यक्ष जेनेट लेप्चा, सह कोषाध्यक्ष मिलन ठटाल, प्रमुख सल्लाकार राचेल लेप्चा र यामी लेप्चालाई चयन गरिएको छ।
आजको सभामा नारी एकाई जिल्ला संयोजिका सफिरा राई,केन्द्रीय कार्यकारिणी सदस्य रीमा भुटिया, क्षेत्रीय अध्यक्ष एन्थोनी लेप्चा, सचिव राजेन काल्देन, युवा संयोजक ग्याल्पो छिरिङ लेप्चा, युवा सदस्य अल्बिन लेप्चा लगायत अन्य उपस्थित थिए।
