दार्जीलिङ सरकारी महाविद्यालयमा त्यहाँको वनस्पति विज्ञान विभागले “सिमसारको संरक्षण र जैविक विविधता संरक्षणमा यसको प्रभाव” विषयक एक अन्तर्राष्ट्रिय सङ्गोष्ठी सफलतापूर्वक आयोजना गरेको समाचार प्राप्त भएको छ। जुन सङ्गोष्ठीको आयोजनाको निम्ति पूर्वी कोलकाता सिमसार व्यवस्थापन प्राधिकरणद्वारा आर्थिक अनुदान उपलब्ध गराइएको विभागका प्राध्यापक डा. गौतम गाङ्गुलीले जनाएका छन्।
यो महत्त्वपूर्ण सङ्गोष्ठीमा प्रसिद्ध संरक्षणविद् प्राध्यापक अभयप्रसाद दास, डा. नकुल क्षेत्री, डा. स्मृति गुरुङ र डा. सुभाशीष पाण्डाले सिमसार संरक्षणका लागि उनीहरूले गरिरहेका कामबारे जानकारी दिए भने विभिन्न महाविद्यालय, विश्वविद्यालयबाट आएका प्राध्यापक, शोधार्थी अनि विद्यार्थीहरूले आ-आफ्ना कार्यपत्र प्रस्तुत गरेका थिए।
