निलम्बित प्रमोद अनि रबिनले राजु विष्टको पोल खोले

दार्जीलिङ,14 दिसम्बर(निसं): भारतीय जनता पार्टी(भाजपा)-को नेतृत्वमा रहेको केन्द्र सरकार तथा सांसद राजु विष्टले गोर्खा जातीसँग भोटको सौदा मात्र गरेका हालै भाजपाबाट निलम्बित गरेका पुल- बिजनबारी गोक मण्डलका पुर्व मण्डल अध्यक्ष प्रमोद लावती तथा महासचिव रबिन सुब्बाले जनाएका छन्। उनीहरूका अनुसार, आफुहरु पार्टीमा बसेर सासद तथा उनलाई भोट दिनुको वास्तविक प्रश्नहरु गर्दा पार्टीबाट निलम्बन गरिएको पार्टीप्रती आरोप  छ। यसबारे जानकारी गराउदै पुर्व मण्डल अध्यक्ष प्रमोद लावतीले भाजपा कुनैदिन पनि गोर्खाहरुको हितेसी नरहेको तथा केवल भोटको राजनैतिक बाहेक केहि नगरेको बताएका छन् । उनले अझ भने, हामीले पार्टीमा बसेर लामो समयसम्म प्रतीक्षा गर्‍यो तर केहि अत्तोपत्तो लागेन यसकारण हामीले सासदलाई हाम्रो मागहरूबारे के कस्तो हुँदैछ त्यसबारे सोध्यो जसको फलस्वरूप हामीले उत्तर होइन पार्टीबाट निस्कासन गर्ने पुरस्कार पायौ। यसैबाट स्पष्ट हुन्छ भाजपा कतिसम्म गोर्खाहरुको निम्ति सिरियस छ भन्ने। यसैले हामी भन्छौ भाजपालाई बाहिरबाट हेर्दा जति राम्रो देख्छौ त्यो कदापि छैन यसैले अब भाजपा तथा सासद बिष्टलाई बिश्वास गर्नु भनेको मुर्खता वाहेक केहि छैन। यसैवीच शनिबार बिजनबारी सार्वजनिक भवनमा सभा बसी निलम्बित नेतृत्वहरु भावी दिनहरु के कस्तो कदमहरु लिने भन्ने बारेमा व्यापक चर्चा परिचर्चा गरिएको पुर्व अध्यक्ष लावतीले बताए भने यसबारेमा आफुहरु मात्रै नभएर मण्डलभरीका विभिन्न ग्राम पन्चायतका कार्यकर्ताहरु समेत रहेको उनको भनाइ थियो।

याद रहोस् , भाजपाका पुर्व मण्डल अध्यक्ष प्रमोद लावती तथा महासचिव रबीन सुब्बालाई हालै पार्टीको विरुद्ध कार्वाही गरेको भन्दै निस्कासन गरिएको थियो।