इण्डियन गोर्खा जनशक्ति फ्रण्टको सांगठानिक विस्तारको क्रममा घूम-जोरबंगलो समष्टि अध्यक्षको रुपमा सूरज तामाङ चयन भएका छन्। उनी लगायत नव निर्वाचित सबै पदाधिकारीहरुले पार्टीको भिजनलाई घर दैलोहरुमा पूराउने लिए संकल्प लिए। फ्रण्टको केन्द्रीय कार्यालय पी कोठीमा पार्टीको कर्मी सभा सम्पन्न भयो। उक्त कर्मी सभाको अध्यक्षता पूरण तामाङले गरेका थिए। सभामा पहाडको वर्तमान राजनैतिक स्थितिमाथि गहन चर्चा परिचर्चा गर्दै घूम जोरबंगलो समष्टि गठन गर्ने विषयमाथि चर्चा भयो। सभामा सबैको कुरा सुनेपछि सूरज तामाङलाई सर्वसम्मतिको साथ घूम जोरबंगलो समष्टि अध्यक्ष चयन गरियो। त्यसरी नै उपाध्यक्ष विजय राई, सचिव कमला याल्मो (पंचयात समिति सदस्य), सह-सचिव विशाल राई, कोषाध्यक्ष अमित थापा, प्रमुख सल्लाकार दीपु थापा, केसाङ भुटिया, अनिल तामाङलाई चयन गरिएको छ। त्यसरी नै कार्यकारिणी सदस्यहरुमा देबेन राई, पवन तामाङ, पुस्कर तामाङ, योगेन राई, शम्भु छेत्री, सोनी प्रधान, छेसाङ योल्मो, गणेश मुखिया आदि रहेका छन्।
आइजीजेएफ घूम जोरबंगलो समष्टिको नव-निर्वाचित प्रतिनिधिहरुले पार्टीको भिजन अनि पार्टी प्रमुख अजय एडवर्ड्सको सोचलाई घर दैलोमा पुराउने संकल्प लिएका छन्। स्मरण रहोस् इण्डियन गोर्खा जनशक्ति फ्रण्टले आफ्नो गठनकालदेखि नै माटो पनि नछोडने साथै बाटो पनि नछोडने स्पष्ट बताउँदै आएको छ, जसको फलस्वरुप आइजीजेएफले अलग राज्य गोर्खाल्याण्डको मुद्दालाई इमान्दारिताको साथ अघि बढाउँदै आएका छन् भने पार्टी प्रमुख अजय एडवर्ड्सले आफ्नो गोजीको पैसा लगाएर दुर्गम ग्रामिण क्षेत्रहरुदेखि लिएर गाउँघर, चिया बगान, सिन्कोना बगान, बस्ती आदि क्षेत्रहरुमा पूलहरुको निर्माण, बाटोहरुको खनन कार्य, सार्वजनिक भवन, समाज घर, खेल मैदान आदि जस्ता कार्यहरु गर्दै आइरहेका छन्।
