मनकामेश्वर शिवालय परिसर सौरेनी बजारमा ९ फरवरीदेखि शुरू भएकाे सप्ताह दिवसीय हरिहरात्मक श्रीमद् भागवत यज्ञकाे तेस्राे दिन व्यास तथा कथा वाचिकाको रूपमा चर्चित कथा वाचिका राधिका दासीले कथा श्रवण गराइन्। यस अवसरमा धेरै भक्तहरूकाे उपस्थिति रहेकाे थियाे। उक्त समारोह आगामी 16 फरवरीसम्म आयोजना हुने भएको छ। जसमा प्रमुख व्यास तथा कथा वाचिकाको रूपमा चर्चिय कथा वाचिका राधिका दासीले प्रत्येक दिन नै कथा श्रवण गराँउने छीन। उक्त धार्मिक अनुष्ठानमा राधिका दासीले भागवतको कथाहरू वाचन गर्नेछन् भने विगत वर्षहरूको समारोहमा भन्दा यस वर्षको समारोहको प्रत्येक दिन श्रद्धालुहरूको अधिक भीड हुन सक्ने आयोजक समितिले जानकारी गराएका छन्। आयोजक समिति अनुसार सप्ताव्यापी हरिहरात्मक श्रीमत भागवत सप्ताह यज्ञमा प्रत्येक दिन कथा श्रावणसँगै विविध धार्मिक अनुष्ठानहरू आयोजना हुने बताएका छन्। यसका साथै प्रत्येक दिन लाख बत्ती बालिने बताएका छन्। यता आयोजक समितिका कर्ता तथा जीटीएका कार्यकारी सभासद अरूण सिगचीले प्रत्येक दिन विहान आठ बजेदेखि मण्डप पुजा हुने अनि दस बजेदेखि कथा वाचन आरम्भ हुने र दिउसो दुई बजेर तीस मिनटमा विश्राम हुने साथै बेलुकी ६ बजेर तीस मिनटदेखि पुन रात्रीकालिन कथावाचन हुने बताएका छन्। यसबीच रूद्रीपाठ, भगवानको डोलीको नगर परिक्रमा, लब्दबर्तिका अनि गंगा आरती हुने बताए। यसका साथै बेलुकी विभिन्न विषयमा झाँकी प्रदर्शन पनि हुने बताएका छन्।
