खरसाङको अप्पर डुमाराममा अवस्थित एउटा देवी मन्दिरमा चोरी गरिरहेको अवस्थामा सोमबार स्थानीय गाउँलेहरूले एकजना चोरलाई पक्राउ गरेका थिए। गाउँलेहरूले उक्त चोरलाई पक्राउ गरेपछि खरसाङ पुलिसलाई सुम्पिदिए। उनी मधेशबाट यहाँ मिस्त्री काम गर्न आएको स्थानीय गाउँलेहरूले बताएका छन्। उक्त मन्दिरमा आजसम्म कम्तीमा चारपल्टसम्म चोरी भइसकेको जनाउँदै अहिलेसम्म चोरलाई पक्रन सकेको थिएन। यसपल्ट भने चोरलाई मन्दिरको घण्टी, थाल, दियो इत्यादि चोरी गरिरहेको अवस्थामा पक्राउ गरिएको जनाए। उक्त घटनापछि खरसाङ पुलिसले उक्त चोरलाई लगेर गएको बताइएको छ।
