उत्तर बङ्गाल भ्रमणमा आएकी राज्यकी मुख्यमन्त्री सुश्री ममता ब्यानर्जीले दार्जीलिङको पहिरो पीडितहरूको लागि केन्द्र सरकारले एक पैसा पनि नदिएको आरोप लगाएकी छिन्। मुख्यमन्त्री ब्यानर्जीले, त्यस्तो प्राकृतिक प्रकोपमा केन्द्रबाट कोही पनि दार्जीलिङ नआएको आरोप लगाइन्। उनले भनिन्, केन्द्र सरकारले बङ्गालबाट पैसा उठाएर लगिरहेको छ, तर आवश्यक परेको बेला पैसा दिएको छैन। पहिरो पीडितहरूलाई राज्यले राहत दिइरहेको बताइन्।
मुख्यमन्त्री ब्यानर्जीले चुनाव आयोगलाई कडारुपले आक्रमण गर्दै भनिन्, यो एसआइआर स्थगित गर्नुपर्छ। किनकि करौडौं मानिसहरूले एसआइआरको फारम पाउन सकेिरहेका छैनन्। यति छोटो समयमा बीएलओहरूलाई घर-घर गएर फारम वितरण गर्ने समय नै छैन। किनकि फरवरीमा अघिलेलो चुनावको लागि मिति घोषणा गर्नु पर्ने हो। यो समयमा राज्यले कुनै काम गर्न नपाओस् भनेर सुपर एमरजन्सी जस्तो अवस्था सृजना गरी राज्यका अधिकारीहरूलाई रोकेर राखिएको छ। शिक्षकहरूलाई स्कूल पनि जान परिरहेको छ भने बीएलओको काम पनि सम्हाल्न परिरहेको छ। बीएलओको काम लिएर उनीहरू घर-घर जानपर्छष दुइ घन्टामा कति घर पो जान सक्छन् ? उनले प्रश्न गरिन्। मुख्यमन्त्री ब्यानर्जीले, एसआइआरको कार्यले मानिसहरूमा त्रास फैलिएको छ। तर एकैजना पनि वैध मतदाताको नाम सूचीबाट हट्यो भने नछोड्ने बताइन्।
