एचएचटीडीसीएसएस नेता जतन राई बताउदै चिया श्रमिकहरूलाई राज्य र केन्द्र दुवै सरकारले झुक्काउने काम मात्र गर्दै आएको छ। उनले भनेका छन्, दार्जीलिङ शहरको चौक बजारमा आज इण्डियन गोर्खा जनशक्ति फ्रण्टको श्रमिक सङ्गठन हाम्रो हिल तराई डुवर्स चियाबारी श्रमिक संघ ले व्यापक रूपमा पोस्टरिङ गरेकोछ।टाँसिएको पोस्टरहरूमा चिया श्रमिकहरूले भोग्दै आएको विभिन्न समस्याहरू उल्लेख गरेका छन्।एचएचटीडीसीएसएसको केन्द्रीय कार्यकर्ता जतन राईले हामी राज्य अनि केन्द्र सरकार दुवैसंग अतिनै दुखी छौ।गत 2017 मा राज्य सरकारले चिया श्रमिकहरूको मिनिमम वेजेसको विषय लिएर एडभाइजरी कमिटी गठन गरेको हो तर आजसम्म एडभाइजरी कमिटीले मिनिमम वेजेस तय गर्न सकेको छैन।चुनाव आउँदैछ केन्द्रीय राज्य श्रममन्त्री आगामी 5 जनवरीको दिन भ्रमणमा आउने तय भएको छ।मन्त्रीको भ्रमण होइन,आश्वसन र भाषण होइन,हामीलाई सरकारी अधिसूचना जारी गरेको हेर्ने मन छ।राज्य र केन्द्र सरकारको जालमा साथै पुञ्जिपतिहरूको जालमा श्रमिकहरू पर्दै आएको छ।अब श्रमिकहरूले सम्बैधानिक न्याय पाउन पर्छ तर सरकार र पूंजीपतिहरू मिलेर श्रमिकहरूलाई न्यायदेखि वञ्चित गराउने काम हुँदैछ।चिया श्रमिकहरूको समस्या राजनैतिक समस्या होइन,भूगोल,सिमानाको समस्या होइन,यो श्रमिकहरूले बगाउदै आएको पसिनाको मूल्यको समस्या हो।श्रमिकहरूको हक र अधिकारलाई दबाउने प्रयास मात्र हुदैछ।श्रम विना विकास सम्भाव छैन।श्रमिक विकासको मुल आधार हो। त्यसकारण सरकारले श्रमिकहरूलाई हक र अधिकारदेखि वञ्चित गराउन हुँदैन।श्रमिकहरूलाई सरकारले सम्मान जनक जिउने अधिकार दिनु पर्छ।आईजीजेएफ तथा हाम्रो हिल तराई डुवर्स चिया श्रमिक संघलाई घरिघरि आरोप र लाञ्छाना लगाउने कार्यहरू भइरहेको छ।राज्य सरकारले यहाँको आय सोत्र मात्र लानु हुदैन,यहाँको श्रमिकहरूलाई न्याय पनि दिनु पर्छ।चिया श्रमिकहरूको मिनिमम वेजेसको विषयमाथि कोलकता उच्च न्यायलयले विगत धेरै महिना अघिनै 6 महिनाभित्रमा समस्याको समाधान गर्ने निर्देश दिई सकेको छ तर सरकारले उच्च न्यायलयको आदेशलाई समेत अनदेखा गर्दैछ राईले बताए। राईले बताए अनुसार,न्यायलय भन्दा सरकार ठूलो होइन तर न्यायलयको निर्देशलाई राज्य सरकारले अनदेखा गर्दैछ।अब विधायक,सांसद साथै जन प्रतिनिधिहरूले श्रमिकहरूको मिनिमम वेजेस बारे आफ्नो अडान स्पष्ट गर्नु पर्छ।हामी राज्य र केन्द्र सरकार दुवैसंग खुशी छैनौ।श्रमिकहरूको मिनिमम वेजेसको विषय लिएर धेरैवटा रिपोर्टहरू पेश गरिसकेको पीआईभी रिपोर्ट छ तर आजसम्म मिनिमम वेजेस लागु भएको छैन यो अति नै दुखको विषय रहेको जतन राईले बताए।
