हिमांशु प्रधान टोली साउण्ड अफ सोल्स इन्डियाज गट ट्यालेन्ट सिजन ११ को पहिलो रनर-अप बनेको छ। सिलगढीका बीट बक्सर हिमांशु प्रधान टोली सोनी टिभीमा प्रसारण हुने उक्त प्रतियोगिताकोे पहिलो रनर-अप बनेर गोर्खाहरूको शिर उच्च पारेको छ। यो टोलीमा सिक्किमका गायक तेन्जिङ धोनीये, जयपुरका गायक वाशिम अक्रम, झारखण्डका गिटारवादक अक्षय, जयपुरका बीट बक्सर गौरव मीना, औधपुरका भरत राज बाँसुरीवादक पनि समावेश थिए। हिमांशु प्रधान र तेन्जिङ धोनीये र गौरव मीना पूर्व ब्यान्ड द माउन्टेन सोल्स फिचरिङ्ग गौरदीपका सदस्य हुन्। स्मरण रहोस् डीडी नेशनल च्यानलद्वारा प्रसारित ब्याटल अफ ब्यान्डमा बीट बक्सर हिमांशु प्रधान, बीट बक्सर गौरव मौना र जयपुरका गायक वाशिम अक्रमले उत्कृष्ट प्रस्तुति दिएका थिए र दोस्रो रनर-अप भएका थिए। फेरि उनीहरूलाई डीडी नेशनल च्यानलमा ब्याटल अफ ब्याण्ड इन्टरनेशनलमा अतिथिको रूपमा प्रस्तुति दिन आमन्त्रित गरिएको थियो। त्यहाँबाट उनीहरूले मुम्बईको जिओ वर्ल्ड सेन्टरमा आयोजना गरिएको अन्तर्राष्ट्रिय वेभ समिटमा प्रस्तुति दिने अवसर पाए। उनीहरूले त्यो कार्यक्रममा उत्कृष्ट प्रस्तुति दिएका थिए। नोभेम्बर २०२५ मा, हिमांशु प्रधानलाई सोनी टिभीको इण्डिया गट ट्यालेण्टबाट माथिका कलाकारसँग नयाँ ब्यान्ड, साउन्ड अफ सोल्सलाई प्रस्तुति दिन आमन्त्रित गरिएको थियो। इण्डिया गट ट्यालेन्ट सिजन ११ को पहिलो रनर-अप बन्ने टोली साउन्ड अफ सोल्सका अगुवा हिमांशु प्रधान, गौतम कुमार प्रधान र आमा चन्द्रावतीका छोरा सिलगढी निवासी हुनु गर्वको विषय हो। हिमांशु र उनको टोलीलाई फाइनलमा पुऱ्याउन दार्जीलिङ जिल्ला, सिलगढी र वरपरका मानिसहरूले समर्थन गरी फाइनलसम्म पुराएका थिए। इण्डिया गट ट्यालेन्ट सिजन ११ को पहिलो रनर-अप बन्न यो टोलीले गरेको कडा परिश्रम र अनगिन्ती संघर्षपछि, यो जित हासिल गरेको हो। यस समबन्धमा टोलीले
सम्पूर्ण भारत राष्ट्रलाई अभिवादन गर्दै सबैलाई भारी मनले धन्यवाद ज्ञापन गरेको छ।
