पेशोक, 21 जनवरी(निसं):तक्लिङ-पेशोक समष्टि क्षेत्र लगायत विभिन्न स्थानहरुका तामङहरुले सोनम ल्होछार भव्य अनि सभ्य परिवेशमा हर्षोल्लासको साथ पालन गरिरहेका छन् । विगत धेरै बर्ष अघिदेखि तामङ जनजातिय पर्वको रूपमा तामङ नयाँ साललाई पालन गर्दै ल्याएको सर्वविदितै छ भने प्रति वर्ष नै अग्रिम सोनम ल्होछार कार्यक्रमहरु आयोजना गर्दै तामङ संस्कार, संस्कृति बारे जानकारी मुलक कार्यक्रमहरु मार्फत तामङ ह्यूल्बाहरुलाई दिइने गरेको जानकारी छ। मञ्जुश्री शब्द 2865 ता ल्हो गत 19 जनवरी देखि शुरु भएकोछ। यसै ता ल्हो अर्थात् घोडा वर्षको आरम्भको सुखद पललाई पर्वको रुपमा पालन गरिदै ल्याएको जान्नमा आएकोछ।
प्राप्त जानकारी अनुसार, यस वर्ष 2026 को तामङ सोनम ल्होछार गत 19 जनवरी देखि शुरु भएको छ भने यो लगातार आगामी पञ्चमी तिथिसम्म चल्ने छ, जस अन्तर्गत आफ्नो आफन्त कहाँ भेट्घाट गर्ने गरिन्छ भने अन्तिम दिन चेलीहरुले माईतीहरुलाई बोलाएर माईती पुज्ने, टीका लगाउने आदि गरिने बताइएको छ्। तक्लिङ-पेशोक समष्टि क्षेत्रको विभिन्न तामङ बाहुल्य गाउँहरु अहिले ल्होछारमय बनेको छ भने सोनम ल्होछार-ला ज्याबा डान्बा-को शुभकामनाअका वाक्यांशले गुञ्जीएको छ।
हरेक गाउँ अनि बाटोमा भेटिएका तामङ ह्यूल्बाहरुले एकाअर्कालाई भेटेर उक्त वाक्यांशद्वारा अभिवादन गरेको देखियो भने शाखा सन्तानहरु एक भएर प्रिती भोज गर्दै तामङ सेलोमा रम्दै ल्होछारमय वातावरणमा झुम्यो सारा पेशोक चियाबारी क्षेत्र। यता लप्चु चियाबारी, सोरेङ, तक्लिङ, चेग्रा लगायत अन्य समष्टि क्षेत्रहरुमा पनि तामङ सोनम ल्होछार भव्यताको साथ पालन भइरहेको थाहा लागेको छ।
