सिंगताम ग्राम पञ्चायतका निर्वाचित पञ्चायत सदस्य श्रीमती मोती तामाङको गोर्खा जनमुक्ति मोर्चा घरमा फर्की आएकी छिन्। यसक्रममा गोर्खा जनमुक्ति मोर्चाका अध्यक्ष विमल गुरुङले श्रद्धामाला पहिराएर श्रीमती मोती तामाङलाई गोजमुमो परिवारमा स्वागत जनाए। यसअघि गोजमुमोका अन्य पार्टीमा गएका एवं निष्क्रिय बनेर बसेका पुर्व कार्यकर्ताहरू पनि पुनःघर फर्किन थालेका छन्। यसै क्रममा अध्यक्ष विमल गुरुङको हात बलियो बनाउने प्रतिबद्धताको साथ पुल बिजनबारी समष्टि अन्तर्गत लोवर नयाँ बस्तीबाट 15 घर भागोप्रमो त्यागेर गोजमुमोमा सामेल भएका छन्।
स्थानीय अनिल सुब्बा, कुमार खनाल, सुरेन राई र मदन भट्टराई अनि नरेश छेत्री आदिको नेतृत्व गोजमुमोका पुर्व कार्यकर्ताहरू पुनःघर फर्किएका छन्। अर्कोतिर बिमल गुरूङको जाति प्रतिको समर्पण र दृढ संघर्षमा प्रेरित बनेर गोर्खा जनमुक्ति मोर्चामा घर वापसी गरिरहेका छन्। कोही पुराना समर्थकहरू जो निष्क्रिय बनेर रहीरहेका थिए भने अब उनीहरूले सक्रियता देखाई रहेकाछन्। यसै क्रममा जीटीए चीफ अनित थापाले दमन नीति भ्रष्टचार र पैसाको बलमा आजसम्म धाक जमाईरहेका उनको समष्टि सिटोङ लाट क्षेत्रमा पनि गोर्खा जनमुक्ति मोर्चाको संगठन तीब्ररूपमा सांगठनिक तौरमा गठन भइरहेको छ।
संगठनलाई मजबुत गर्ने क्रममा सिटोङ लाट समष्टि अन्तर्गत सिटोङ 2 ग्राम पन्च्यायत अधिनस्थ गुम्बा गाँउ अनि जोगीघाट क्षेत्रलाई समेटेर गोर्खा जनमुक्ति मोर्चा अनि गोर्खा जनमुक्ति युवा मोर्चाको दुईवटा छुट्टाछुट्टै शाखा कमिटि गोर्खा जनमुक्ति युवा मोर्चा केन्द्रीय उपाध्यक्ष श्री बिकास खवासको उपस्थिति र मार्ग निर्देशन अनि समष्टि युवा अध्यक्ष पुरण शेर्पाको पहल र सभापतित्वमा पुरानो शाखा कमिटि बिघटन गरि नयाँ शाखा गठन गरिएको छ।
