विगत सन् २००० सालमा स्थापित दिव्य ज्योति समिति, लोअर बर्दाङले आफ्नो रजत महोत्सव विभिन्न सांस्कृतिक कार्यक्रमको बीच भव्यताको साथ लोअर बर्दाङमा पालन गरेको थियो। उक्त रजत जयन्ती समारोहको मुख्य अतिथि लोअर बर्दाङका वार्ड पञ्चायत श्रीमती अरुणा दियालीको उपस्थिति रहेको थियो भने दिव्य ज्योति समितिका वर्तमान विशिष्ठ पदमा आसिन समितिका कार्यकारणी सदस्य वरिष्ठ कवयत्री जयश्री छेत्री (Chief Patron), प्रताप सिंह राई,(Parton), आर. एन. श्रेष्ठ (प्रमुख सल्लाहकार), समितिका अध्यक्ष दिपक प्रधान लगायत सम्पूर्ण सदस्यहरूको विशेष उपस्थिति रहेको उक्त कार्यक्रमको उद्घोषक समितिका सदस्य अमर शर्माले गरेका थिए भने, कार्यक्रमको प्रथम चरणमा कार्यक्रमको मुख्य अतिथि लोअर बर्दाङका वार्ड पञ्चायत श्रीमती अरुणा दियाली लगायत कार्यक्रममा उपस्थित सम्पूर्ण विशिष्ट अतिथिको बाहुलीबाट दीप प्रज्वलन गरिएको थियो।
