सिक्किम विधान सभाका सभामुख, मिङ्मा नोर्बु शेर्पा, सिक्किम विधान सभाका सचिव, ललित कुमार गुरुङसँगै राष्ट्रमण्डलका सभामुख र अध्यक्षता अधिकारीहरूको २८ औं सम्मेलन (CSPOC) मा सहभागी भए। जसको उद्घाटन बिहीबार प्रधानमन्त्री नरेन्द्र मोदीले संसद भवन परिसर, नयाँ दिल्लीको संविधान सदनको केन्द्रीय हलमा गरेका थिए।
सम्मेलनलाई प्रधानमन्त्री नरेन्द्र मोदीले सम्बोधन गरेका थिए। स्वागत मन्तव्य राज्यसभाका उपसभापति हरिवंशले प्रस्तुत गरेका थिए, त्यसपछि अन्तर-संसदीय संघका अध्यक्ष डा. तुलिया एकसन र राष्ट्रमण्डल संसदीय संघका अध्यक्ष क्रिस्टोफर कलिलाले मन्तव्य व्यक्त गरेका थिए। ओम बिर्ला, सभामुख, लोकसभा, २८ औं CSPOC का अध्यक्षले पनि सम्मेलनमा आफ्नो मन्तव्य व्यक्त गरेका थिए।
सम्मेलनले समसामयिक संसदीय मुद्दाहरूमा छलफल गरेको छ, जसमा लोकतान्त्रिक संस्थाहरूलाई सुदृढ पार्न अध्यक्ष अधिकारीहरूको भूमिका, संसदीय कामकाजमा कृत्रिम बुद्धिमत्ताको प्रयोग, संसद सदस्यहरूमा सामाजिक सञ्जालको प्रभाव, र मतदानभन्दा बाहिर नागरिक सहभागिता बढाउने नवीन तरिकाहरू समावेश थियो। सम्मेलनले ४२ राष्ट्रमण्डल देशहरू र चार अर्ध-स्वायत्त व्यवस्थापिकाका ६१ वक्ताहरू र अध्यक्ष अधिकारीहरूलाई एकै ठाउँमा ल्याउँछ।
