सिक्किमको भाजपा प्रतिनिधि टोलीले आज गान्तोकस्थित राजभवनमा राज्यपाल ओमप्रकाश माथुरलाई भेटेको थियो। टोलीले सिक्किमभरि हालैका राजनीतिक हिंसा, विपक्षी आवाजहरूमाथि लक्षित आक्रमण र चुनावपछिको उत्पीडनका घटनाहरूलाई उजागर गर्दै एक प्रतिवेदन बुझायो। टोलीद्वारा सिक्किम राज्यको रणनीतिक सीमावर्ती स्थानलाई ध्यानमा राख्दै लोकतान्त्रिक स्थानको क्षय र बिग्रँदै गएको कानून व्यवस्थाको अवस्थाप्रति गम्भीर चिन्ता व्यक्त गरियो। राज्यपालले टोलीलाई यो विषयलाई गम्भीरतापूर्वक लिइने आश्वासन दिएको जानकारी पाइएको छ।
