आगामी १३ औं संस्करणको अन्तर्राष्ट्रिय पर्यटन मेलाको समन्वय बैठक पर्यटन तथा नागरिक उड्डयन विभागको सम्मेलन कक्षमा आयोजना गरिएको थियो। बैठकको अध्यक्षता पर्यटन तथा नागरिक उड्डयन विभाग तथा वाणिज्य र उद्योग विभागका मन्त्री टीटी भुटियाले गरेका थिए। मन्त्री भुटियाले आफ्नो मन्तव्यमा मुख्यमन्त्रीको दृष्टिकोणलाई उदृत गर्दै सिक्किमको पर्यटन क्षेत्र प्रवर्द्धन गर्ने बारेमा प्रकाश पारेका थिए। उनले राष्ट्रिय र अन्तर्राष्ट्रिय प्रतिनिधिहरू, सामाजिक सञ्जाल प्रभावकारहरू लगायतको सहभागिताबारे कुरा गर्दै दृश्यता बढाउन तथा विचारहरूको आदानप्रदान प्रोत्साहित गर्न B2B बैठकहरूको महत्त्वको जोड दिए। उक्त पहललाई सफलतापूर्वक सञ्चालन गर्न सबै सरोकारवालाबाट सक्रिय सहयोग र समन्वयको अपील पनि उनले गरे। सभा समक्ष सम्बोधन गर्दै, पर्यटन तथा नागरिक उड्डयन विभागका अध्यक्ष नोरगाइ लाचुङ्पाले अन्तर्राष्ट्रिय पर्यटन मेलालाई विश्वस्तरीय प्रमुख मञ्चको रूपमा वर्णन गरे।
