गोर्खा जनमुक्ति मोर्चा सोम टकभर समष्टि अध्यक्ष श्री आलोक राई तथा युवा मोर्चा समष्टि अध्यक्ष श्री विजय मंगरको सशक्त नेतृत्वमा सिङला डिभिजनका विभिन्न पार्टीका दर्जनौं युवाहरूले आज गोर्खा जनमुक्ति मोर्चा तथा अध्यक्ष श्री बिमल गुरुङको नेतृत्वप्रति आस्था राख्दै पार्टीमा औपचारिक रूपमा प्रवेश गरेका छन्। युवाहरूको यस ऐतिहासिक समर्थनले सिङला क्षेत्रमा गोजमुमोको जनाधार अझ बलियो बन्दै गएको स्पष्ट देखिएको छ। गोर्खाल्याण्डको आन्दोलन, पहाडको अधिकार र जनताको सम्मानको निम्ति युवाशक्ति अब गोजमुमोसँग एकजुट हुँदै अघि बढिरहेको पार्टीले दाबी गरेको छ।
यसअघि गोर्खा जनमुक्ति मोर्चा पुल बिजनबारी समष्टि अन्तर्गत सुन्तले शाखामा आज भारतीय गोर्खा प्रजातान्त्रिक मोर्चाका करिब ५० घर परिवारले पार्टी त्याग गर्दै अध्यक्ष बिमल गुरुङको नेतृत्वप्रति विश्वास व्यक्त गर्दै गोर्खा जनमुक्ति मोर्चामा घर वापासी गरेका छन्। पुरण छेत्री, अनिल सुब्बा, बुद्ध तामाङ, कुमार खनाल, मदन भट्टराई तथा सुरेन राईको नेतृत्वमा सम्पन्न उक्त कार्यक्रमले क्षेत्रभरि गोर्खा जनमुक्ति मोर्चाप्रति जनसमर्थन दिनप्रतिदिन बढिरहेको स्पष्ट संकेत दिएको छ। कार्यक्रममा सहभागीहरूले पहाडको स्थायी राजनीतिक समाधानका लागि अध्यक्ष बिमल गुरुङको नेतृत्व नै सक्षम, स्पष्ट र भरोसायोग्य रहेको विश्वास व्यक्त गरे। साथै, आगामी दिनमा पार्टीलाई अझ सशक्त र संगठित बनाउँदै जनताको पक्षमा निरन्तर कार्य गर्ने प्रतिबद्धता समेत जनाएको जानकारी पाइएको छ।।
