यसवर्ष मंगल सारथी सेवा सम्मान – सुनिल राई ‘ प्रणामी’ लाई प्रदान गरिने – मंगल सेवा फाउन्डेसन, मङपुद्वारा प्रत्येक दुई वर्षको अन्तर्रालमा प्रदान गरिने ‘मंगल सारथी सेवा सम्मान’ यस वर्ष सुनिल राई ‘ प्रणामी ‘ लाई प्रदान गर्ने घोषणा गरेको छ ।
विगत दिनमा फाउन्डेसनको अधक्ष्य गणेश मिश्रको अध्यक्षतामा बसेको सभाले उक्त निर्णय लिएको हो। बड़ा पुबोङ बस्ती, तकदाह निवासी सुनिल राई, सेन्ट रोबर्टस् उच्चतर माधयमिक विद्यालय, दार्जीलिङका भाषा विभागका एक समर्पित शिक्षक हुन्। विभिल सामाजिक, धार्मिक एवं साहित्यिक संस्थाहरूमा उनका संलग्नता रहेको छ भने विभिन्न पत्र – पत्रिकाहरूको सम्पादनमा उनको योगदान रहेको छ । सुनिल राई एक कुशल कवि, गीतकार, इतिहासकार, नाटककार हुन्, उनको दर्जनौं साहित्यिक कृतिहरू प्रकाशित छन्। यसको अतिरिक्त, धार्मिक, साहित्यिक लेखनमा पनि उनको उत्तिकै कलम चलेको छ। परम आदरणीय गुरुजी श्री १०८ मंगलदासजी एवं श्री १०८ मोहन प्रियाचर्यजी माथि अलसन्धनात्मक जीवन – यात्रा सम्बन्धी कृति प्रकाशित भइसकेको छ भने फर्केर हेर मङपुमा प्रणामी धर्म – हरिलाल क्षेत्रीसँग सह – लेखन अनि अहिले वर्तमानमा केहि तथ्य कहीँ सन्दर्भ : श्री कृष्ण प्रणामी धर्म – अहिले प्रकाशन हुन लागिरहेको छ । धार्मिक साहित्यमा उनको निरन्तर सेवालाई सम्मान गर्दै उनलाई यसवर्ष पाँचै ” मंगल सारथी सेवा सम्मान ” – प्रदान गरिएको हो भन्ने जानकारी फाउन्डेसनका मूल सचिव सुरेश सुब्बाबाट प्राप्त भएको छ।
सुनिल राई ‘ प्रणामी ‘ – लाई यो सम्मान १६ अगस्त २०२५ की दिन श्रीकृष्ण प्रणामी गीतामन्दिर, रेसेप , मङपुमा सम्पन्न हुने श्रीकृष्ण प्राकट्य महोत्सव – को उपलक्ष्यमा प्रदान गरिन्छ।
