मुख्यमंत्री प्रेम सिंह तामाङको दिशानिर्देश तथा परिकल्पना अनुसार खटिखाने गाउँले कृषकहरूले खेतीपाती गर्नु निम्ति दुख नपाओस् भन्ने हेतुले यस घडी बर्फुङ समष्टि अन्तर्गत बर्फुङ जारोङ ग्राम पंचायत एकाईको बिभिन्न वार्डहरुमा मैनाम राबौंङ किसान उत्पादक संगठन (मैनाम राबौंङ एफपिओ) मार्फत भटमासको बीऊ बितरण गरियो।
ग्राम पंचायत अन्तर्गत जारोङ वार्ड र अप्पर देथाङ वार्डमा यो भटमासको बीऊ बितरण कार्यक्रम सम्पन्न भएको छ भने यस अवसरमा किउजीङ बर्फुङ प्रादेशिक क्षेत्रकी पंचायत श्रीमती जसोदा छेत्री मुख्य अतिथि रहनुभएको थियो। मैनाम राबौंङ किसान उत्पादक संगठनको प्रवन्धक श्री पर्सु वालिङ बागवानी बिभागका कर्मचारीहरू, समाजका वुद्धिजीवीहरु गाउँले कृषकहरूको सहभागिता रहेको थियो।
