युवाहरुमाथि बिहीबार भएको जघन्य प्राणघातक आक्रमणमा घाइतेहरूको स्वास्थ्यको बारेमा बुझ्न एसडीएफको शीर्ष टोलीले शुक्रबार सोकेथाङ अस्पतालमा भ्रमण गरेको थियो। उनीहरुसङ्ग भलाकुसारी गर्दै यो घटनाले सिङ्गो प्रजातन्त्रमाथि भएको हमला हो भन्ने कुरा एसडीएफ टोलीले साझा गरेको छ। निराश र हतास नभई प्रजातन्त्रको रक्षार्थ एक भएर यो तानाशाह सरकारलाई उखेल्न अझ जुझारु भएर अघि आउनुपर्ने दायित्व प्रतिपक्षीहरूमा आएको कुरा छलफल भयो। अन्त्यमा घाइते युवाहरूको शीघ्र स्वास्थलाभको कामना गर्दै एसडीएफ पार्टीको ऐक्यवद्धता जाहेर गरे। घाइतेहरूहरूलाई हेर्न जाने टोलीमा कर्मा भोटिया, देव गुरूङ, आमोस लामा, बिजय प्रधान र प्रवक्ता कृष्ण खरेल सामेल थिए।
