भागोपले असमलाई कठिन समयमा साथ दिएको छ : शान्ति राई

विशिष्ट शिक्षाविद श्रीमती शान्ति राईले एनआरसी, डि-भोटर अनि आधार प्रमाणीकरणका संवेदनशील मुद्दाहरूमा परिसंघको बौद्धिक हस्तक्षेपको प्रशंसा गर्दै “गोलाघाट गोर्खा गौरव सम्मान २०२५” ग्रहण गरेको जनाइन्। सरुपथार, गोलाघाट : “एनआरसी अद्यावधिक प्रक्रियामा भारतीय गोर्खा परिसंघको भूमिका असमका गोर्खाहरूका लागि नम्र साथै प्रभावकारी उदाहरण हो, जसले मौन तर बौद्धिक हस्तक्षेपद्वारा सुनिश्चित गर्यो कि कुनै पनि रैथाने गोर्खाहरू एनआरसीबाट बाहिर नहोस,” श्रीमती शान्ति राईले, गोलाघाट गोर्खा गौरव सम्मान २०२५ प्राप्त गरे पश्चात यी कुरा भनिन्। उनी सम्मान स्वीकारेको विषय मा भन्नुहुन्छ “यो सम्मान मैले मेरो दिवंगत पति श्रीमान शिवाजी राई, जो बोलोसिङ मेमोरियल स्कूल (BMS) का संस्थापक प्रधानाध्यापक र गोलाघाटमा अखिल भारतीय गोर्खा लिगका संस्थापक सदस्य साथै यसक्षेत्रका शिक्षाविद र समाज सेवक उहाँकै योगदानलाई समर्पित गर्दै ग्रहण गरें।” आभार व्यक्त गर्दै उनले भनिन्, “यो सम्मान प्रदान गर्नुहुने सम्मान छनोट समिति, गोलाघाट जिल्ला परिसंघका अध्यक्ष ज्ञनिन्द्र छेत्री, कार्यकारी अध्यक्ष गणेशकुमार गिरी, मूलसचिव रुप नारायण राई, जिल्ला पर्यवेक्षक धनप्रसाद लिम्बू र राज्य महासचिव नन्द किराती देवान जो मेरा विद्यार्थी हो सबैलाई धन्यवाद ज्ञापन गर्दछु।” स्वास्थ्यगत कारण र डिब्रुगढस्थित असम मेडिकल कलेजमा उपचाररत भएकाले श्रीमती राईले कार्यक्रममा व्यक्तिगत उपस्थिति जनाउन सकिनन्। “म मेरो अनुपस्थितिका लागि क्षमा चाहन्छु” भन्दै मेरी जेठी बुहारी मायाले मेरो तर्फबाट सम्मान ग्रहण गरेको जानकारी गराइन्।