श्री सत्य साई समिति लंगुरदाङको वार्षिक सभा एवम् समितिको चुनाव

मजुवा, 19 जनवरी (निसं) श्री सत्य साई समिति लंगुरदाङको वार्षिक सभा एवम् समितिको चुनाव सम्पन्न भएको छ।श्री सत्य साई सेवा समिति लंगुरदाङ संयोजक मिलन राईको उपस्थितिमा सम्पन्न सभामा वर्ष 2025 को प्रशान्ती सेवकहरूको पनि उपस्थिति रहेको थियो भने सङ्गठन सुचारू रूपले सञ्चालन गर्न संयोजकको निम्ति मिलन राईलाई चयन गरिएपछि सेवा प्रभारी देवकुमार छेत्री,सहयोगी सजीता राई, आध्यात्मिक विभाग प्रभारी अमर राई, सहयोगी गीता सुब्बा, शिक्षा प्रभारी मदन राई, सह-आइका राई, युवा विभाग प्रभारी बुद्धिमान राई, सह -बविता सुब्बा लगायत विभिन्न विभाग प्रभारीहरूको चयन गरिएको छ। भगवान सत्य साई बाबाको शतवार्षिकी कार्यक्रम अन्तर्गत विभिन्न सेवा कार्य आदिमा समितिले जिल्लाको रूपरेखा अनुसार काम गर्दै जाने जानकारी समिति संयोजक मिलन राईले दिएका छन्।