साहित्यकार कृष्ण गिरीलाई सम्मान जनाइयो

खरसाङ, (निसं): असीत राई साहित्यिक मञ्चले एक कार्यक्रमबीच मङ्पूका वरिष्ठ साहित्यकार कृष्ण गिरीलाई सम्मान जनाइएको छ। खरसाऱङ्को ब्लुमफिल्ड महकुमा पुस्तकालय भवनमा आयोजना गरिएको कार्यक्रममा गिरीलाई कार्यक्रम अध्यक्ष एवं असीत राई साहित्यिक मञ्चका अध्यक्ष ऋषि राईको बाहुलीबाट शीर शोभा ढाका टोपी, विशिष्ट अतिथि तिलक शर्माको बाहुलीबाट अंगवस्त्र, प्रमुख अतिथि योगेश खातीको बाहुलीबाट सम्मान पत्र, विन्ध्या गोतामेको बाहुलीबाट स्मृति चिन्ह, सुष्मा राईको बाहुलीबाट असीत राई स्मृति ग्रन्थ प्रदान गरेर सम्मान जनाइएको थियो। सम्मानीत साहित्यकार कृष्ण गिरीले आफ्नो सङ्क्षिप्त वक्तव्यमा आफ्नो सिहित्यिक यात्राको बारेमा बताउदै यसरी सम्मान जनाइएकोमा आफूमाथि एउटा दायित्व थपिएको अनुभव भइरहेको बताए। तिनले आफूले साहित्यको सेवा केही पाउन र कमाउनलाई नगरेर नेपाली साहित्यलाई अझ धनी बनाउन केही योगदान दिने उद्देश्यले सेवा गरेको बताए। साहित्यकार कृष्ण गिरीको बारेमा कार्यक्रम अध्यक्ष एवं साहित्यकार ऋषि राईले विस्तृत जानकारी गराएका थिए।