सूर्या फाउण्डेशन-द्वारा ग्रामीण खेल महोत्सव समापन 

बिजनबारी,15 जनवरी(निसं): सूर्या फाउण्डेशन-ले दार्जीलिङ क्षेत्रका विभिन्न गाउँहरुमा सात दिवसीय  ग्रामीण खेल प्रतियोगिता आयोजित गरिरहेको थियो। यसै क्रममा आइतबार विजनबारी क्षेत्रमा पर्ने दङ्गगीया वस्तीमा वरिपरिका युवाहरुलाई लिएर ग्रामीण खेल प्रतियोगिता सम्पन्न गरियो। शिक्षक अजित छेत्रीले सञ्चालन गरिएको यस प्रतियोगितामा खुल्ला दौड़, भलीबल, फुटबल, सूर्य नमस्कार आदि खेलहरु सामेल रहेको थियो। कार्यक्रममा क्षेत्र प्रमुख कमल दाहालको प्रमुख रूपमा उपस्थिति थियो। दाहालले बताए अनुसार, यस कार्यक्रम देशका 19 वटा राज्यका कुल 113 गाँउहरुमा सम्पन्न भइरहेको तथा  युवाहरुमा खेलप्रति रुचि बड़ोस भन्ने उदेश्यले यस्ता विभिन्न कार्यक्रमहरु गरिरहेको उनको भनाइ थियो। अर्कोतिर सूर्या फाउण्डेशन एक सामाजिक संस्था रहेको तथा सस्थाले समाज एवं देशहितको निम्ति गत 32 वर्षदेखि देशको विभिन्न हिस्साहरुमा यस्ता विभिन्न कार्यक्रम सञ्चालन गर्दै आईरहेको जेएफ दिपेन कोइरालाले जनाएका छन्।