खरसाङ नगरपालिका अन्तर्गत वार्ड नम्बर 2 को टेकबीर बस्ती क्षेत्रमा मान्छे हिँड्ने बाटो अजय गुरुङको घरदेखि लिएर तलतिर पुल डाँडासम्म बर्खाको पानीले गर्दा लेउ लागेर मानिसहरु पैदल हिँड्न असुविधा भईरहेको थियो। बाटोको दुईतर्फ नै झार पात बढेर बाटो हिँड्न जन साधारणलाई धेरै असुविधा भईरहेको थियो। यो बाटो भएर दैनिक रूपमा विद्यार्थीहरू र गाउँका मानिसहरू हिँडडूल गर्ने गर्छन्। यसरी बाटो चिप्लो भएर धेरैपल्ट विद्यार्थी लगायत मानिसहरू लडेको गुनासो समाजको सदस्यहरूले समाजलाई गरिरहेको थियो। हुन त प्रगति गाउँ प्रगति संघ टेकबीर बस्तीको समाजले स्थापनाकालदेखि नै यस्ता कार्यहरू निरन्तर गरि नै रहेको छ। गाउँ समाजको जनमानसको सुरक्षाको निम्ति समाजका सभापति भेलरियन जर्ज लेप्चा, मूल सचिव बिरबल पाखरीन, उपाध्यक्ष सुजय गुरुङ, कोषाध्यक्ष रमोद गुरुङ सदस्यहरू अनुप प्रधान, अमिर भुसाल र प्रितम लामाको टोलीले उक्त बाटोको सर सफाई अनि ब्लिचिङ हाल्ने कार्य सम्पन्न गरियो।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
