पेशोक, 30 नोभेम्बर(निसं):विकास भएन र हुँदैन भन्नेहरुलाई यो एउटा उदाहरण हो, उक्त मन्तव्य भारतीय गोर्खा प्रजातान्त्रिक मोर्चा खरसाङ महकुमाका महासचिव एवं एमओडी सभासद प्रणाम रसाईलीले मानेडँडा गाउँमा सड्क मार्गको आधार-शिला राख्न तक्दाह-ग्लेनवर्न समष्टिमा मुख्य अतिथिको आसनबाट सम्बोधन गर्दै भनेका हुन्। तक्दाह-ग्लेनवर्ण समष्टि अधिनस्थ रहेको माने डाँडा ग्राम पञ्चायत अन्तर्गत माने डाँडा वार्ड नम्वर दुई मालतुम गाउँदेखि दश नम्वर गाउँसम्म जाने 3.1200 किमी सडक मार्गको निर्माण कार्यको शुक्रबार आधार शिला राखिएको जानकारी तक्दाह-ग्लेनबर्न समष्टि कोषाध्यक्ष धिरज राईले दिए। तक्दाह अभियान्त्रीकी विभागको अधिन निर्माण कार्यको आधार शिला राखिएको उक्त सडक मार्गको अनुमानित लागत दुई करोड तेइस लाख पन्ध्र हजार छ सय पन्चान्बे रुपियँ ( 2,2315695 ) रहेको बताइएको छ ।
गोर्खाल्याण्ड टेरिटोरियल एड्मिनिस्ट्रेसन( जीटीए) एमओडी सभासद प्रणाम रसाईली मुख्य अतिथि रहेको उक्त सडक मार्गको आधार शिला (शिलान्यास) राखिएको विशेष अवसरमा तक्दाह अभियन्त्रीक विभाग, रंगली-रंगलीयट खण्ड्का कार्यकारी अभियन्ता स्वर्णिम थापा, पीआरओ विज्ञान मिश्र, भारतीय गोर्खा प्रजातान्त्रिक मोर्चा तक्दाह-ग्लेनबर्ण समष्टिका उपाध्यक्ष प्रभाकर गुरुङ, महासचिव सुशोभित गुरुङ, मानेडाँडा ग्राम पञ्चायत प्रधान एवं अन्य विशिष्ट अतिथिको रुपमा उपस्थित थिए। समष्टि उपाध्यक्ष प्रभाकर गुरुङको सभापतित्वमा सम्पन्न कार्यक्रमका मुख्य अतिथि सभासद प्रणाम रसाईलीको कराकलम बाट उक्त माने डाँडा बस्तीको वार्ड नम्वर-दुईको मालाथुम गाउँदेखि दश नम्बर गाउँसम्म जाने सडक मार्गको विधिवत आधार-शिला राखिनुका साथै सडक निर्माणकार्यको श्रीगणेश गरिएको धिरज राईले जानकारी दिए। सडक मार्गको आधार-शिला पश्चात दोस्रो चरणको कार्यक्रममा मुख्य अतिथि एमओडी सभासद प्रणाम रसाईलीले सम्बोधन गर्दै भने, विकास भएन र हुँदैन भन्नेहरुको लागि यो उदाहरण हो । रसाईलीले अझ भने,गत अनि वर्तमानमा विकास कार्य गर्न अनि विकासको निम्ति सत्तामा पुग्न जुन कसरत गरिन्थ्यो त्यसमा फरक रहेको बताए । रसाईलीले वितेका समयमा बंगला भाषा पहाडका विद्यालयहरुमा अनिवार्य रुपमा पढाइनु पर्ने सरकारी आदेश नआएको होइन भन्दै , उक्त आदेशलाई पहाडमा लागु हुनबाट पत्र मार्फत रोकिएको अवगत गराए।
कार्यक्रमलाई संचालन गर्दै मानेडाँडा खण्ड समितिका सचिव प्रतिम राईले जीटीए प्रमुख अनित थापाको अथक प्रयासमा विकासको घडेरी बसाउन सक्षम बनेको अवगत गराउदै खुशी व्यक्त एवं आभार व्यक्त गरे।
