निरन्तर परिरहेको पानीझरीले उत्तर सिक्किमको सडक स्थितिबारे DPCR मंगन जिल्लाले दिएको जानकारी यसप्रकार रहेको छः मङ्गनदेखि गान्तोक अनि रकदुङ-तिन्टेक सडक सामान्य रहेको छ। मङ्गनदेखि गान्तोक हुँदै फोडोङ बाटो हल्का सवारी साधनहरूको लागि मात्र खुल्ला गरिएको छ। मङ्गन-चुङथाङ हुँदै टुङ नागा नयाँ बाटो अवरुद्ध रहेको छ। मङ्गनदेखि चुङथाङ हुँदै फिदाङ बाटो हल्का सवारी साधनहरूको लागि मात्र खुल्ला गरिएको छ। (डेट खोलाको पुलमा अधिकतम तौल सीमा ६ टन छ)। मङ्गनदेखि चुङथाङ हुँदै सांगकाङ बन्द रहेको छ। चुङथाङदेखि लाचेनसम्म धेरै ठाउँमा अवरुद्ध भएको छ। लाचेनदेखि थांगु – जिमा १ र ३ मा अवरुद्ध भएको छ। थांगुदेखि गुरुडोङ्मारको सडक सामान्य रहेको छ। चुङथाङदेखि लाचुङ सडक पनि सामान्य रहेको छ। यसरी नै लाचुङदेखि युम्थाङ सामान्य रहेको छ।
