अरुणाचल प्रदेश पुलीसले त्रिपुराबाट तस्करी गरी सिआंग जिल्लातर्फ लगिएका २४ जना बालश्रमिकलाई उद्धार गरेको छ। उनीहरू हराएको भन्ने सूचना पाएपछि त्रिपुरा पुलीस र अरुणाचल प्रदेश पुलीस बीच भएको समन्वयपछि उद्धार अभियान सञ्चालन गरिएको थियो। यी बालबालिका त्रिपुराको उनाकोटी जिल्ला क्षेत्रबाट हराइरहेका थिए। पुलीसले जनाए अनुसार उजुरी प्राप्त भएलगत्तै एफआईआर दर्ता गरियो र त्यसपछि तीब्र गतिमा अन्तर्राज्यीय अपरेसन अघि बढाइयो, जसको परिणामस्वरूप सबै २४ बालबालिकाको सुरक्षित उद्धार सम्भव भयो। उद्धार गरिएको बालबालिकालाई घर फर्काउने उद्देश्यले त्रिपुरा पुलीसले चाँडै उनीहरूको जिम्मा लिने तयारी गरेको छ।
हाल मानव बेचबिखन र बालश्रमसम्बन्धी आरोपमा थप अनुसन्धान जारी छ। प्रारम्भिक विवरणअनुसार यी बालबालिकालाई रोजगारीको लोभ देखाई चिया बगान क्षेत्रबाट ल्याइएको थियो र उनीहरूलाई दुर्व्यवहार गरिएको दाबी गरिएको छ। सम्बन्धित अधिकारीहरूले यस घटनामा संलग्न व्यक्तिहरूविरुद्ध कडा कानुनी कारबाही गरिने आश्वासन दिएका छन्।
