च्याँगा पानीघट्टा ग्राम पन्चायत बाेर्ड विगठन गर्न बाेर्ड सदस्यहरूले अविश्वास प्रस्ताव लिएर नयाँ बाेड गठन गर्ने अनुराेध गरेपछि मंगलबार भाजपा मिरिक मण्डलले भाजपा जिल्ला उपाध्यक्ष राजेन मुखिया, जिल्ला सचिव एमके जिम्बा, मिरिक मण्डल अध्यक्ष अमर राणा, साैरेनी मण्डल अध्यक्ष प्रवीण राईकाे उपस्थितिमा मिरिक महकुमा शासक अनि मिरिक खण्ड विकास अधिकारीसित भेट गरि उक्त अविश्वास प्रस्तावलाई राज्य सरकारद्वारा पारित प्रस्तावलाई मानिलिएर कार्य गर्ने अनि तीन बर्षसम्म बाेर्ड याथव राख्ने अनुराेध गरेकाे छ। यस विषयमा बाेल्दै जिल्ला उपाध्यक्ष राजेन मुखियाले च्याँगा पानीघट्टा ग्राम पन्चायतमा सदस्यहरूले अविश्वास प्रस्ताव लिए तापनि पश्चिम बंगालका राज्यपाल अनि मुख्य सचिवद्वारा गत 7 फरवरीमा जारी गरेकाे सूचनामा ग्राम पन्चायतकाे बाेर्ड गठन भएकाे तीनवर्षसम्म विगठन गर्न नपाउने उल्लेख गरेकाे जसलाई अनुसरण गरेर च्याँग पानीघट्टा ग्राम पन्चायतकाे बाेर्डलाई याथवत राख्ने अनुराेध मिरिक महकुमा शासक अनि मिरिक खण्ड विकास अधिकारीसित गरिएकाे बताए। उक्त सूचनाकाे आधारमा अनुराेध गरेको बताउँदै यस विषयमा सकरात्मक कार्य नभए कानुनीरूपमा उक्त विषयलाई अघि बडाउने बताए।
