गाउँलेहरूको श्रमदान अनि गोर्खा जनमुक्ति मोर्चाका अध्यक्ष श्रीमान बिमल गुरुङको सहयोगमा फूबसेरिङ १४ नम्बरमा सार्वजनिक भवन बनिने भएको छ। २० औं शताब्दी चलिरहेको समयमा पनि गाउँ समाजमा अझ सम्म एउटा समाज घर नभएको साथै समाजका सामग्री समेत कसैको घरमा राख्न परिरहेको दुःखलाई लिएर फूबसेरिङ चिया कमान १४ नम्बर गाउँ मिलन समाजका सदस्यहरूले धेरै समय अघिदेखि गोर्खा जनमुक्ति मोर्चा अध्यक्ष श्रीमान बिमल गुरुङलाई आफ्नो दुखेसो पोख्दै आइरहेका थिए।
गाउँलेहरूको एकजुटता साथै गोजमुमो प्रतिनिधिहरूको प्रयासमा फेरि एकपटक केही दिन अघि मोर्चा अध्यक्ष अघि बिसाएको दुःखलाई प्राथमिकता दिंदै मोर्चा अध्यक्ष श्रीमान बिमल गुरुङले १४ नम्बर निवासीहरूको निम्ति एउटा सार्वजनिक भवनको निर्माण गरिदिने भनी बिधिवत रूपमा पूजा अर्चना गरि शिलान्यास गरिदिए।
उक्त शिलान्यास कार्यक्रममा मोर्चा केन्द्रिय अध्यक्ष श्रीमान बिमल गुरुङको साथमा गोर्खा जनमुक्ति युवा मोर्चा केन्द्रिय उपाध्यक्ष साथै लेबुङ भेल्ली ग्राम पञ्चायत १ वर्ड नम्बर २ का पञ्चायत सदस्य सचिन ठकुरी, फूबसेरिङ पान्दम समष्ठि युवा मोर्चा सचिव अमीन प्रधानको साथमा गोजमुमो कार्यकर्ताहरू साथै १४ नम्बर मिलन समाजका प्रतिनिधिहरूको उपस्थिति रहेको थियो। दशकौंदेखि देख्दै आएको सार्वजनिक भवनको सपना पुरा हुन लागेकोमा सम्पूर्ण फूबसेरिङ १४ नम्बर निवासीहरू धेरै हर्षित हुँदै यस कार्यको निम्ति मोर्चा अध्यक्ष र फूबसेरिङ गोजमुमो प्रतिनिधिहरूप्रति आभार व्यक्त गरे।
