इण्डियन रेड क्रस सोसाइटी खरसाङ शाखाको आयोजनामा खरसाङ महकुमा अस्पतालमा एक कार्यक्रम आयोजना गरी खरसाङ नगरपालिका क्षेत्रमा रहेका क्षय रोगका बिमारीहरुलाई पौष्टिक आहारहरु प्रदान गरिएको थियो। उक्त पौष्टिक आहारहरु खरसाङ महकुमा अस्पतालमा पञ्जीकृत क्षयरोगका बिमारीहरुलाई प्रदान गरिएको थियो। उक्त कार्यक्रमको अध्यक्षता ईण्डियन रेड क्रस सोसाइटी खरसाङ शाखाको भाइस चेयरम्यान डा एके बारुईले गरेका थिए। कार्यक्रमलाई सचिव बिजय सेञ्चुरीले गरेका थिए। कार्यक्रममा विभिन्न संघ संस्थाहरुका प्रतिनिधिहरु साथै डेपुटी मजिस्ट्रेट प्रसनजीत चौधरी उपस्थित रहेका थिए। यस कार्यक्रममा इण्डियन रेड क्रस सोसाइटी खरसाङ शाखाको तर्फबाट खरसाङ नगरपालिका क्षेत्रमा रहेका क्षय रोगका 15 जना बिमारीहरुलाई पौष्टिक आहारहरु र अन्य खाद्यान्नहरु वितरण गरिएको थियो। उक्त पौष्टिक आहारहरु वितरण कार्यक्रममा नै इण्डियन रेड क्रस सोसाइटीमा सहयोग गर्ने विशिष्ट व्यक्तिहरूलाई प्रमाण पत्रहरु पनि वितरण गरिएको थियो। उक्त कार्यक्रममा क्षय रोग र इण्डियन रेड क्रस सोसाइटी विषयमा पनि जानकारी गराइएको थियो। यस कार्यक्रमलाई डेपुटी मजिस्ट्रेट प्रसनजीत चौधरी, व्यवसायी संगठन खरसाङका सभापति फिरोज अख्तर, सचिव राजेन्द्र प्रसाद, सभासद नुरी शेर्पा, पश्चिम बंगाल ड्रगिस्ट एण्ड केमिस्ट एसोसिएसनको तर्फबाट ओम चौरसिया, बिक्रम प्रधान, इण्डियन रेड क्रस सोसाइटी खरसाङ शाखाको भाइस चेयरम्यान डा एके बारुई आदिले वक्तव्य दिएका थिए। यसै कार्यक्रममा खरसाङ महकुमा अस्पतालका अवकाशप्राप्त नर्स मनमाया शर्मा प्रधानलाई महकुमा अस्पताल र ईण्डियन रेड क्रस सोसाइटीको तर्फबाट सम्वर्द्धना पत्र प्रदान गरेर सम्मान जनाइएको थियो। यस कार्यक्रम विषयमा सोसाइटीका सचिव बिजय सिञ्चुरीले विस्तृत रुपमा जानकारी गराएका थिए।
