दार्जीलिङका सांसद र भारतीय जनता पार्टीका राष्ट्रिय प्रवक्ता, राजु बिष्टले दार्जीलिङबाट संसद सदस्यको रूपमा निर्वाचित भएदेखि नै आफ्नो क्षेत्रले सामना गरिरहेको विशाल विकासात्मक खाडलहरूलाई सम्बोधन गर्ने कुरामा ध्यान केन्द्रित गरेको बताएका छन्। बिष्टले प्रेस विज्ञप्तिको माध्यमबाट यो कुरा भनेका हुन्।
सांसद बिष्टले विज्ञप्तिमा अघाडि उल्लेख गरेका छन्, ग्रामीण सम्पर्क परियोजनाहरूलाई निरन्तरता दिँदै, यो कुरा साझा गर्न पाउँदा खुसी लागेको बताएका छन्, उनले दार्जीलिङ र कालेबुङ जिल्ला, पहाडी (GTA) क्षेत्रहरूको लागि प्रधानमन्त्री ग्राम सडक योजना (PMGSY) योजना अन्तर्गत ४८ ग्रामीण सडक परियोजनाहरूको लागि प्रस्तावहरू प्राप्त गरेका छन् अनि त्यसको लागि् उनले स्वीकृति प्रदान गरेको बताए। यसमध्ये, दार्जीलिङको लागि २१ सडकहरू र कालेबुङको लागि २७ सडकहरू स्वीकृत भएका छन्।
यी परियोजनाहरूले हाम्रो क्षेत्रमा कुल २०६.९९ करोडभन्दा बढीको लगानी ल्याउनेछन्। यसमध्ये दार्जीलिङको ग्रामीण सडकहरूको लागि ₹११०.०४ करोड र कालेबुङमा ₹९६.९५ करोड छुट्याइएको छ। यसले दार्जीलिङ र कालेबुङ जिल्लाका ग्रामीण क्षेत्रका मानिसहरूको लागि राम्रो पहुँच, आर्थिक वृद्धि र जीवन सुधारको मार्ग प्रशस्त गर्नेछ।
हाम्रो दार्जीलिङ पहाड, तराई र डुवर्स क्षेत्रमा ग्रामीण सडकहरूको लागि सबै अनुरोधहरूलाई सकारात्मक रूपमा सम्बोधन गर्न म ग्रामीण विकास मन्त्रालयसँग नजिकबाट काम गरिरहेको सांसद बिष्टले उल्लेख गरेका छन्। उनले जनतालाई आश्वासन दिंदै भनेका छन् , तपाईं हरूले निर्वाचित गर्नुभएको सांसद अथक प्रयासरत छन् र तपाईं हरूको निरन्तर समर्थन र आशीर्वादले आफूले हाम्रा जनताको सबै आकांक्षा र विकास आवश्यकताहरू पूरा गर्ने वाचा गरेका छन्।
